قازاقستاندا جەمىس-جيدەك پەن كوكونىس باعاسى ارزاندادى
ەسەپتى كەزەڭدە نان ونىمدەرى، جارمالار، ەت، بالىق، تەڭىز ونىمدەرى، ءسۇت ونىمدەرى، جۇمىرتقا، ماي، قانت، كونديتەر ونىمدەرى، الكوگولدى جانە الكوگولسىز سۋسىنداردىڭ باعاسى كوتەرىلىپ، جەمىس-كوكونىس ارزانداي تۇسكەن.
استىقتاردىڭ ءبىرىنىڭ باعاسى كوتەرىلىپ، باسقاسى ارزاندادى. ماسەلەن، بيىلعى اقپاندا 1 ك گ كۇرىشتىڭ ورتاشا باعاسى 323 تەڭگە، بىلتىر 287 تەڭگە بولاتىن. ال، وتكەن جىلى 287 تەڭگە بولعان قاراقۇمىقتىڭ باعاسى بيىلعى اقپاندا 243 تەڭگەنى قۇرادى.
1 ك گ قانتتىڭ ورتاشا باعاسى اقپان ايىندا 236 تەڭگە بولدى، بىلتىر ول 195 تەڭگە ەدى.
2019 -جىلعى اقپاندا ءسۇت ونىمدەرىنەن سۇزبەنىڭ ورتاشا باعاسى 1 كەلىگە 1579 تەڭگەنى قۇراپ وتىر (2018 -جىلدىڭ اقپانىندا - 1511 تەڭگە)، قايماق - 1050 تەڭگە (994 تەڭگە)، مايەك ىرىمشىگى - 2565 تەڭگە (2255 تەڭگە)، ايران - 286 تەڭگە (273 تەڭگە)، پاستەرلەنگەن ءسۇت - 239 تەڭگە (216 تەڭگە).