كيم چەن ىن ترامپپەن كەزدەسۋگە كەلدى

 استانا. قازاقپارات - سولتۇستىك كورەيا باسشىسى كيم چەن ىن ۆەتنام استاناسىنا كەلدى. سالتاناتتى قابىلداۋدان سوڭ ول شاھار ورتالىعىندا ورنالاسقان «مەليا حانوي» قوناقۇيىنە بەت الدى.

قازىر حانويدا سامميتكە سوڭعى دايىندىقتار ءجۇرىپ جاتىر. ەكى كۇندىك جيىن ەرتەڭ باستالۋى ءتيىس. پرەزيدەنت دونالد ترامپ كەزدەسۋگە بۇگىن بارادى.

ايتا كەتەيىك، ەكى ەل باسشىسىنىڭ العاشقى تاريحي جۇزدەسۋى بىلتىر جازدا سينگاپۋردە وتكەن ەدى. وندا تاراپتار بىرلەسكەن قۇجات قابىلداپ، پحەنيان يادرولىق قارۋسىزدانۋدى جۇرگىزۋگە ال ۆاشينگتون قاۋىپسىزدىك كەپىلدىگىن بەرۋگە كەلىسكەن بولاتىن.

ال ەرتەڭگى سامميتتە تاراپتار كورەيا تۇبەگىن يادرولىق قارۋدان ازات ەتۋگە قاتىستى ناقتى شارالار قابىلداۋى مۇمكىن.

 

www.24.kz