جاس الماتىلىق اي-تي مەكتەبىن اشتى
ەلنۇر سەيىتجانوۆ - اقپاراتتىق جۇيەلەر ماگيسترى. بۇگىندە اۆستراليانىڭ «Aspose» كومپانياسىندا قاشىقتىقتان جۇمىس ىستەيدى، حالىقارالىق اقپاراتتىق تەحنولوگيالار ۋنيۆەرسيتەتىندە Web-technology بويىنشا ساباق بەرەدى.
«اقپاراتتىق تەحنولوگيالار دامىعان سايىن ماماندار تاپشىلىعى سەزىلە باستادى. وسىلايشا، «Decode» باعدارلامالاۋ مەكتەبىن اشۋ يدەياسى كەلدى»، - دەيدى جاس IT- مامانى.
ونىڭ ايتۋىنشا، اتالعان مەكتەپتىڭ 300-دەن استام تۇلەگى قازاقستاندا جانە شەتەلدە IT - كومپانيالاردا جۇمىس ىستەيدى.
«ءبىزدىڭ وقۋشىلار سپورتتىق باعدارلامالاۋ بويىنشا وليمپيادالاردا جۇلدەلى ورىندارعا يە بولىپ ءجۇر. اتاپ ايتقاندا، ءبىزدىڭ ءبىر تۇلەگىمىز Infomatrix-Asia حالىقارالىق IT- كونكۋرسىندا ءبىرىنشى ورىن الىپ، س د ۋ- دا وقۋ گرانتىن جەڭىپ الدى»، - دەپ اتاپ ءوتتى ەلنۇر.
باعدارلامالاۋ مەكتەبىنىڭ فيليالى استانادا دا اشىلعان.
«بيىل جاستار جىلى دەپ جاريالاندى. وسىعان وراي ءبىز نەعۇرلىم كوپ باسەكەگە قابىلەتتى جاس مامانداردى دايارلاۋدى جوسپارلاپ وتىرمىز. وسى ماقساتتا قازاقستاننىڭ بارلىق وڭىرلەرىن قامتيتىن ونلاين- كۋرستار اشۋ كوزدەلۋدە»، - دەدى ە. سەيىتجانوۆ.
ونىڭ ايتۋىنشا، قازىرگى تاڭدا قازاقستانداعى باعدارلامالاۋدىڭ IT - ورتالىقتارى الماتى مەن استانادا، الايدا ەلىمىزدىڭ وزگە دە وڭىرلەرىندە تالانتتى ادامدار جەتەرلىك.
«ءبىلىم بەرۋ ساپاسى الەمدىك ستاندارتقا سايكەس بولۋى ءۇشىن مەن شەتەلدىك IT - كومپانيالاردا جۇمىس ىستەپ، سەمينارلاردا وقىتۋشىلارمەن تاجىريبەممەن بولىسەمىن. ولار ءوز كەزەگىندە ءبىزدىڭ ستۋدەنتتەرگە ۇيرەتەدى. حالىق «الەمدى وزگەرتكىڭ كەلسە - وزىڭنەن باستا» دەپ بەكەر ايتپاعان»، - دەپ ءتۇيدى ويىن ەلنۇر سەيىتجانوۆ.
اۆتور: گۇلزات ساحوۆا