ماماندار جۇرەكتىڭ باستى جاۋىن اتادى
بۇل تۋرالى «سوزىلمالى جۇرەك اۋرۋلارىنا» ارنالعان كونفەرەنسيادا ۇلتتىق عىلىمي كارديوحيرۋرگيا ورتالىعى باسقارما ءتوراعاسىنىڭ ءبىرىنشى ورىنباسارى ماحاببات بەكبوسىنوۆا حابارلادى.
دارىگەردىڭ ايتۋىنشا، كوپ جاعدايدا مارقۇمنىڭ تۋىسقاندارى كەلىسىم بەرمەيدى. ەلىمىزدە جۇرەك ترانسپلانتاتسياسى تەك ۇلتتىق عىلىمي كارديوحيرۋرگيا ورتالىعىندا جاسالادى. وسى ۋاقىتقا دەيىن مۇندا 76 ادامنىڭ جۇرەگى الماستىرىلعان. جىل سايىن ورتالىقتىڭ كۇتۋ پاراقشاسىنا شامامەن 100 ناۋقاس تىركەلەدى. «وكىنىشكە قاراي، سونىڭ 30 پايىزعا جۋىعى دونورلىق جۇرەك تابىلعانشا كوز جۇمادى»، - دەيدى ماحاببات بەكبوسىنوۆا.
سوندىقتان بۇكىل الەمدە، ونىڭ ىشىندە قازاقستاندا دا قان اينالىمىنا مەحانيكالىق قولداۋ كورسەتۋ باعدارلاماسى قارقىن الىپ كەلەدى. ياعني جاساندى جۇرەك سالۋ. قازاقستاندا مۇنداي 300 دەن استام وپەراتسيا جاسالعان. «جۇرەكتىڭ ەڭ ءبىرىنشى جاۋى - سترەسس (كۇيزەلىس). سوندىقتان قانداي قيىندىق بولسا دا اقىلمەن شەشۋ كەرەك»، - دەيدى بىلىكتى دارىگەرلەر. جانە دەنە شىنىقتىرۋعا كوڭىل ءبولۋ قاجەت.
ءسالىم بەركىنبايەۆ، مەديتسينا عىلىمدارىنىڭ دوكتورى، پروفەسسور:
- ەڭ ءبىرىنشى - ادامنىڭ جامان ادەتتەرى. سولاردان باس تارتۋ كەرەك. تەمەكى تارتۋ، اراق ءىشۋ. ادام از قوزعالادى. سپورتپەن اينالىسپاعاندىقتان دا جۇرەك اۋرۋلارى كوپ داميدى.
