بيىك وكشەنىڭ زيانى تۋرالى نە بىلەسىز؟
كوپتەگەن ايەلدەر «بيىك وكشەلى اياق كيىم ەرلەردى بويۇسىندىرۋدىڭ قارۋى» دەپ ەسەپتەيدى. الايدا، دەنساۋلىق تۇرعىسىنان الىپ قاراعاندا، بۇل ءوز دەنساۋلىعىن قۇردىمعا جىبەرەتىن قارۋ ەسەپتى.
كلينيكالىق ساراپتاۋ بيىك وكشەلى اياق كيىم كيەتىن ايەلدەردىڭ جاسى ۇلعايعان سايىن ءارتۇرلى بۇيرەك، نەسەپ اۋرۋلارىنا شالدىعاتىنىن دالەلدەدى. مۇنداي اياق كيىم كيگەندە تابانعا تۇسەتىن سالماق ارتاتىندىقتان، جامباس بولىمىنە تۇسەتىن قىسىم دا ەكى- ءۇش ەسەگە ارتادى. سونىمەن بىرگە دەنەنىڭ الدىڭعى بولىگى مەن قۋىق تۇبىندەگى بۇلشىق ەتتەردىڭ بوساۋى تەزدەيدى. بۇل نەسەپ جولى اۋرۋلارىنىڭ ەڭ باستى سەبەپكەرى.
ايەلدەر قاۋىمىنىڭ ۇزاق ۋاقىت بيىك وكشەلى اياق كيىم كيۋى - اياق سىڭىرلەرىنىڭ سوزىلۋ ارالىعىن قالىپسىز كۇيگە تۇسىرەدى. ال مۇنداي اياق كيىمدەردى ۇزاق ۋاقىت كيۋ - ءوزىن ناعىز قاتەرگە دۋشار ەتكەنمەن بىردەي. بۇل قالىپسىزدىق ۇزاق ۋاقىتقا جالعاسسا، 40-تان استام ايەلدەر اۋرۋىن تۋدىرادى ەكەن.
جاس ۇلعايا كەلە اياق بۋىندارىنىڭ سىرقىراپ قاقساۋى، سوزىلمالى ءسىڭىر اۋرۋلارىنا دا دۋشار ەتەدى.
ال باليعاتقا تولماعان جاسوسپىرىمدەر مەن ءبۇلدىرشىن قىزداردىڭ بۇل اياق كيىمدى كيۋى - بويجەتۋ مەزگىلىندەگى قالىپسىز اۋرۋلارمەن قوسا، پسيحولوگيالىق اقاۋ تۋدىراتىنى تاعى بار. ال جاپون عالىمدارى «بالاعا بيىك وكشەلى اياق كيىم كيگىزۋ ناتيجەسى دەنەدەگى زات الماسۋ مەن قان اينالىسىنا ىقپال ەتىپ، تاماققا تابەتى تارتپايتىن بولادى. سونىمەن قاتار ايەل مىنەزىندەگى پسيحولوگيالىق اۋرۋلارعا دۋشار ەتەدى» دەيدى.
ايالاپ وسىرگەن ءبۇلدىرشىنىڭىز ساۋ دەنەلى، تاربيەلى، سالماقتى، سۇلۋ مىنەزدى بولىپ ءوسسىن دەسەڭىز، باليعات جاسىنا تولۋدان بۇرىن بيىك وكشەلى اياق كيىمنىڭ زاردابىنان بارىنشا اۋلاق ۇستاعانىڭىز ابزال.
