شەتەلگە شىققان قازاقستاندىقتار ديپلوماتيالىق كومەك الۋ ءۇشىن نە ىستەۋلەرى قاجەت؟
«فەيسبۋكتە گوزال ەسىمدى ايەلدىڭ قازاقستاننىڭ يسپانياداعى ديپلوماتيالىق وكىلدىگىنە كومەك سۇراپ جۇگىنگەنى جانە كونسۋلدىڭ دەمالىستا بولۋى سەبەپتى كومەك كورسەتىلمەگەنى تۋرالى مالىمدەمە جاسالدى. ءبىز بۇل اقپاراتتى مۇقيات تەكسەردىك»، - دەدى ق ر س ءى م رەسمي وكىلى ايبەك سمادياروۆ استانادا وتكەن باسپا ءسوز ءماسليحاتىندا.
كونسۋلدىق جانە كومەندانتتىق قىزمەت كەلتىرگەن دەرەكتەرگە سايكەس، اتالعان ايەلدىڭ ءوتىنىشى مادريردتەگى ەلشىلىك پەن بارسەلوناداعى كونسۋلدىقتا تىركەلمەگەن.
«جاريالانىم جالپىلاما تۇردە جازىلعان ۋاقىتى، اتى- ءجونى سەكىلدى ناقتى فاكتىلەر كورسەتىلمەگەن. ءبىزدىڭ ديپلوماتتاردىڭ مىندەتتەرىنە سايكەس، ق ر ازاماتتارىنىڭ شەت ەلدەگى قۇقىقتارىن قورعاۋ ءبىرىنشى كەزەككە قويىلعان. ولار ۇزاق مەرزىمدى شەتەلدىك ءىسساپاردا ءجۇر، سوندىقتان تاۋلىك بويى بايلانىستا بولۋ مىندەتتەلگەن. ءبىزدىڭ ديپلوماتيالىق وكىلدىكتەرمەن بايلانىس مالىمەتتەرى مينيسترلىك سايتىندا كورسەتىلگەن»، - دەپ ءتۇسىندىردى ول.
ەرەجە بويىنشا، ق ر ازاماتتارى تاپ بولعان ماسەلە تۋرالى اقپارات كەلىسىمەن، كومەندانت كونسۋلدىق قىزمەتكەرگە حابار بەرەدى جانە تەز ارادا كومەك كورسەتۋ ءۇشىن كونسۋلداردىڭ ۇيالى تەلەفون ءنومىرىن جىبەرەدى. كۇردەلى جاعدايلاردا كونسۋل وقيعا ورنىنا بارىپ، قۇزىرلى ورگانداردان تۇسىندىرمە تالاپ ەتەدى.
«ماسەلە شيەلەنىسە تۇسسە، ءبىزدىڭ ازاماتتار نەمەسە ولاردىڭ تۋىستارى 720111(7172) 7+ نومىرىندەگى كەزەكشى ديپلوماتقا نەمەسە kezekshi@mfa.kz ەلەكتروندى مەكەنجايىنا جۇگىنە الادى. مەرەكە كۇندەرى جانە جۇمىس كۇندەرى 18:30-دان تاڭعى 9:00-گە دەيىن ديپلوماتتار تاۋلىك بويى كەزەكشىلىك ەتەدى. قۇجاتتاردى جوعالتۋ جانە سومكەنى ۇرلاتۋ جاعدايىندا «قازاقستان رەسپۋبليكاسىنا قايتۋ تۋرالى كۋالىك» بەرىلەدى، تۋىستارمەن حابارلاسۋعا جاعداي جاسالادى جانە قوناق ءۇي مەن جول ءجۇرۋ بيلەتتەرىن الۋدا كومەك كورسەتىلەدى»، - دەدى ا. سمادياروۆ.
ايتا كەتەيىك، الەۋمەتتىك جەلىدە يسپانياداعى ەلشىلىكتەن كومەك الا الماعان قازاقستاندىق ايەل تۋرالى جازبا تارالعان بولاتىن.
www.24.kz