اتىراۋلىق بالعىن قىز تۇركياداعى سۇلۋلىق بايقاۋىنا قاتىسادى

اتىراۋ. قازاقپارات - «كىشكەنتاي حانشايىم مەن الەم حانزاداسى» حالىقارالىق بايقاۋىنا قازاقستان اتىنان التىناي رامازانوۆا قاتىسادى، دەپ حابارلايدى قازاقپارات ءتىلشىسى.

«اتىراۋدىڭ كىشكەنتاي تۇرعىنى التىناي رامازانوۆا «ميني حانزادا جانە ازيا حانشايىمى» رەسپۋبليكالىق بايقاۋىندا گران- پري ۇتىپ العان بولاتىن. وسىلايشا، ول «كىشكەنتاي حانشايىم مەن الەم حانزاداسى» حالىقارالىق بايقاۋىندا قازاقستان نامىسىن قورعاماق. التىناي نەبارى 4 جاسىندا «اتىراۋدىڭ كىشكەنتاي حانشايىمى - 2018» بايقاۋىندا جەڭىمپاز اتانعان ەدى.

«ميني حانزادا جانە ازيا حانشايىمى» سىندى رەسپۋبليكالىق دەڭگەيدەگى كونكۋرسقا العاش رەت قاتىسقان بولاتىن. سۇلۋلىق بايقاۋىنا قازاقستاننىڭ تۇكپىر- تۇكپىرىنەن 30 بالا جينالدى. التىناي قازىلار القاسىنا ءوزىنىڭ سۇيكىمدىلىگىمەن جانە بالالىق تابيعي بولمىسىمەن اسەر ەتە الدى»، - دەپ ءمالىم ەتتى اكىمدىكتىڭ باسپا ءسوز قىزمەتىنەن.

التىناي رامازانوۆانىڭ اتا- اناسى ونلاين- جۋرنالمەن كەلىسىمشارتقا وتىردى. اتىراۋلىق بالعىننىڭ بەينەسى ونىڭ مۇقاباسىنا ورنالاستىرىلاتىن بولادى.

حالىقارالىق بايقاۋ مامىر ايىندا تۇركيانىڭ بودرۋم قالاسىندا وتەدى.

اۆتورى: اندرەي سوكولوۆ