09:32, 12 - اقپان 2019 | GMT +5
نازاربايەۆ تەننيسشى قىزعا سىيلاعان ساعاتتىڭ باعاسى قانشا؟
استانا. قازاقپارات - نۇرسۇلتان نازاربايەۆتىڭ تەننيسشى زارينا دياسقا سىيلاعان Cartier ماركالى شۆەيتساريالىق ساعاتى ءبىر ميلليون تەڭگە كولەمىندە تۇرادى. بۇل تۋرالى SportX.kz حابارلايدى.
زارينا دياس بىرنەشە كۇن بۇرىن شۆەيتساريالىق قىمبات ساعاتقا يە بولدى. باعالى سىيلىقتى سپورتشىعا مەملەكەت باسشىسى تارتۋ ەتكەن.
شۆەيتساريالىق برەندتىڭ رەسمي سايتىندا اتالعان ساعاتتىڭ قۇنى 1995 فۋنت ستەرلينگكە باعالانعان. بۇل ءبىر ميللونعا جۋىق تەڭگەنى قۇرايدى.
ەسكە سالا كەتسەك، 8- اقپان كۇنى نۇرسۇلتان نازاربايەۆ زارينا دياسقا قولتاڭباسى بار ساعات تارتۋ ەتكەن بولاتىن.
كەيىنىرەك سپورتشى قىز Instagram پاراقشاسىندا ەلباسىنىڭ ماتچتا قولداۋ كورسەتۋگە كەلگەنىن ايتىپ، پرەزيدەنت بەرگەن سىيلىقتى كورسەتىپ ماقتانعان.