استانادا اجىراسۋ پروتسەسىنە پسيحولوگ ماماندار دا جۇمىلدىرىلىپ جاتىر

 استانا. قازاقپارات - «وتباسىلىق سوت» پيلوتتىق جوباسىنىڭ جۇمىسى تۋرالى استانا قالاسىنىڭ ازاماتتىق ىستەر جونىندەگى سوت القاسىنىڭ ءتوراعاسى قۋانىشباي الجىكوۆ ءمالىم ەتتى، دەپ حابارلايدى ەلوردا ينفو.

«ازاماتتىق سوتتا ءجيى قارالاتىن ىستەردىڭ ءبىرى - وتباسىنا قاتىستى، ياعني اجىراسۋ، بالا اسىراپ الۋ دەگەن سەكىلدى. اسىرەسە، اجىراسۋ كەزىندە بالانى كىمگە قالدىرۋ ماسەلەسىنە قاتىستى كوپ كەلىسپەۋشىلىكتەر تۋىندايدى. وسى ماقساتتا وتكەن جىلدان باستاپ «وتباسىلىق سوت» پيلوتتىق جوباسى جۇمىس ىستەيدى. اتالعان ماسەلەمەن بۇرىن تەك قانا سۋديا اينالىسسا، ەندىگى ۋاقىتتا پسيحولوگ قىزمەتى دە تارتىلۋدا، - دەدى ول.

ونىڭ ايتۋىنشا، پيلوتتىق جوبا باستالعالى استانا قالالىق سوتىندا وتباسىنا قاتىستى 457 ءىس قارالىپ، ونىڭ 176-سى، ياعني %38 ى تاتۋلاسۋمەن اياقتالدى.

«پسيحولوگ ماماندارعا ارنايى كابينەت قاراستىرىلعان. سونداي-اق، بالالارعا ارنالعان بولمە دە بار. بۇل قىزمەتتى پەداگوگيكالىق جوعارى ءبىلىمى بار ماماندار (پسيحولوگ، الەۋمەتتىك مامان) اتقارادى. ءبىز بۇل ءادىس تۋرالى گەرمانياعا جۇمىس بابىمەن بارعاندا بىلدىك. مىنە ەندىگى ۋاقىتتا ءوز ەلىمىزدە جۇرگىزۋدەمىز، مۇنداعى ماقسات - وتباسىنى ساقتاپ قالۋمەن قاتار، بالانىڭ زارداپ شەكپەۋىن قامتاماسىز ەتۋ. وسى ماسەلەلەر «وتباسىلىق سوتتا» باستى نازاردا بولادى. پيلوتتىق جوبا ازىرگە الماتى اۋداندىق سوتىندا جۇرگىزىلۋدە»، - دەدى ق. الجىكوۆ.

www.24.kz