قازاقستان ف ي ف ا رەيتينگىندە ەكى ساتىعا جوعارىلادى
وندا قازاقستان قۇراماسى ەكى ساتىعا جوعارىلاپ، 117-ورىنعا جايعاسقان، دەپ حابارلايدى قازاقپارات ءتىلشىسى.
جاڭارتىلعان رەيتينگتە بەلگيا قۇراماسى كوش باستاپ تۇر. ايتا كەتەيىك، بەلگيالىقتار 2020-جىلعى ەۋروپا بىرىنشىلىگى ىرىكتەۋ كەزەڭىنىڭ I- توبىنداعى قارسىلاستارىمىزدىڭ ءبىرى. ءتىزىمنىڭ ودان كەيىنگى ورىندارىندا فرانسيا، برازيليا، حورۆاتيا، انگليا قۇرامالارى تۇر.
I توبىنداعى وزگە قارسىلاستارىمىز - شوتلانديا - 40، رەسەي - 50، كيپر - 87، سان-مارينو 211-پوزيتسيالارعا ورنالاستىرىلعان.
ەسكە سالايىق، 21- اقپاندا قازاقستان فۋتبولشىلارى مولدوۆا قۇراماسىمەن جولداستىق كەزدەسۋ وتكىزەدى. بۇل - چەح مامانى ميحال بيلەكتىڭ جەتەكشىلىگىمەن وتەتىن العاشقى ويىن.
قازاقستان قۇراماسى 21-ناۋرىزدا 2020-جىلعى ەۋروپا بىرىنشىلىگىندەگى العاشقى كەزدەسۋىن وتكىزەدى. سول كۇنى استانادا شوتلانديا قۇراماسىن قابىلدايدى.