جوتەلدى بۋمەن ەمدەۋ
كەيدە اۋرۋ باستالايىن دەپ تۇرعاندا بىردەن ينگالياتسيا جاساسا، ءدارىسىز- اق كەتىپ قالاتىن كەزدەر بولادى. سونىمەن قاتار، قاقىرىق شىعاراتىن ءشارباتتارعا اللەرگياسى بار ادامداردى تەك ينگالياتسيامەن ەمدەي الادى. جوعارعى تىنىس الۋ جولدارى اۋرۋلارى كەزىندە بۋلى ينگالياتسيالار قولدانىلادى. ال تومەنگى تىنىس الۋ جولدارىن ەمدەۋگە نەبۋلايزەرلەردى پايدالانادى. جوتەل كەزىندە ينگالياتسيانى باستى ەكى ادىسپەن جاسايدى. ءبىرىنشى ءادىس بويىنشا، بۋلى ينگالياتور قولدانىلادى. بۋلى ينگالياتور رەتىندە اسۇيدەگى كەز كەلگەن كاسترول نەمەسە توستاعاندى الۋعا بولادى. كاسترولگە ىستىق سۋ قۇيىپ، ونىڭ بەتىنە تۇرىپ، باسىڭىزدى سۇلگىمەن جاۋىپ، بۋمەن دەمالۋ كەرەك. ءدارىحانالاردا ارنايى بۋلى ينگالياتور ساتىلادى، ونىڭ سۋ قۇياتىن ىدىسى مەن تىنىس الۋعا ارنالعان قوندىرمالارى بولادى. ينگالياتسيا جاساۋدىڭ ەكىنشى ادىسىندە ينگالياتور- نەبۋلايزەر قولدانىلادى. نەبۋلايزەر - ءدارى قۇيىلاتىن جانە ونى قىسىممەن شاشىراتاتىن وندىرىستىك اپپارات.
بۋلى ينگالياتسيا جاساۋ
بۋلى ينگالياتسيا - حالىق مەديتسيناسىنىڭ قۇرالى. جىلى ىلعال اۋا مۇرىنمەن نەمەسە اۋىزبەن الىنىپ، وكپەگە تۇسەدى. ينگالياتسيا بۋى تۇماۋدى، سۋىق ءتيۋدى، ءبرونحيتتى ەمدەۋگە كومەكتەسەدى. ينگالياتسيا بۋى قاقىرىق شىعارۋعا كومەكتەسەدى. قاراپايىم بۋلى ينگالياتسياعا قاراعاندا اروماتەراپيا جاقسىراق كومەكتەسەدى. جوتەلدى جەڭىلدەتۋ ءۇشىن سۋعا 2-3 تامشى ەفير مايىن تامىزۋ كەرەك. جوتەل كەزىندە اشى جالبىز، قارا بۇرىش، كاردامون، بالقاراعاي، جانە گۇلشەتەن ەفير مايلارىن قولدانۋعا بولادى. نەبۋلايزەرمەن ينگالياتسيا جاساۋ نەبۋلايزەرگە ءدارى قۇيىلادى جانە ول قىسىمنىڭ اسەرىنەن اەروزولگە (سۋىق بۋعا) اينالادى. نەبۋلايزەر نەگىزگى بلوكتان جانە تۇتىكشەمەن جالعانعان جانە اۋىز بەن مۇرىندى جاباتىن ءتۇرلى قوندىرمالاردان تۇرادى. سىعىلعان دارىلىك اۋا اعىسى تىنىس الۋ جولدارى قابىنۋىنا اسەر ەتەدى. ينگالياتسياعا قولدانىلعان ءدارى قانعا سىڭبەيدى، سوندىقتان اعزاعا قوسىمشا (زياندى) اسەر بەرمەيدى. سوندىقتان نەبۋلايزەردى كىشكەنتاي بالالارعا دا قولدانا بەرەدى.
نەبۋلايزەرمەن ينگالياتسيا جاساۋ
كەزىندە اۋىزبەن تىنىس الۋ كەرەك. قۇرالداعى ءدارى بىتكەنشە (شامامەن 10 مينۋت) وتىرۋ قاجەت. ينگالياتورعا قۇيىلاتىن ءدارىنى جانە ونىڭ مولشەرىن تەك دارىگەردىڭ كەڭەسىمەن الۋ كەرەك. كەيدە ينگالياتسيانى ءدارىسىز، مينەرالدى سۋلارمەن دە جاسايدى. سونىمەن قاتار، نەبۋلايزەرگە ءدارىنىڭ ورنىنا فيزيولوگيالىق ەرىتىندى قۇيۋعا بولادى. ول ءدارىحانادا ساتىلادى نەمەسە ونى ۇيدەن دايىندايدى. ول ءۇشىن 1 ليتر سۋعا 100 گ تۇزدى سالىپ ەرىتۋ كەرەك. ول جوتەلدى جەڭىلدەتەدى، قابىنۋ پروتسەسىن باسادى جانە تاماقتى ىلعالداندىرادى. كەز كەلگەن پروتسەدۋرا سەكىلدى ينگالياتسيانىڭ دا ءوز ورىنداۋ ەرەجەسى بار:
- پروتسەدۋرا الدىندا تاماقتى سوڭعى رەت 90 مينۋت بۇرىن ىشكەن بولۋى كەرەك؛
- ناۋقاستىڭ كيىمى بوس بولۋى كەرەك؛
- ناۋقاس پروتسەدۋرا كەزىندە تابيعي تىنىس الۋ كەرەك؛
- قاتتى ىستىق سۋمەن تىنىس الۋعا بومايدى؛
- پروتسەدۋرادان سوڭ 30 مينۋت تىنىشتىقتا جاتۋ كەرەك (تاماق ىشۋگە بولمايدى) ؛
- تەمپەراتۋرا بىركەلكى بولۋ كەرەك، سوندىقتان بىردەن دالاعا شىعۋعا بولمايدى؛
- تەمپەراتۋرا 37 گرادۋستان جوعارى بولسا، ەشقانداي ينگالياتسيا جاساۋعا بولمايدى. ەسىڭىزدە بولسىن، بالاعا ينگالياتسيانى تەك پەدياتوردىڭ كەڭەسىمەن جاساۋعا بولادى جانە پروتسەدۋرا كەزىندە بالانى جالعىز قالدىرۋعا بولمايدى.
Massaget.kz