ديماشتىڭ امەريكاداعى بايقاۋدا ونەر كورسەتكەن ۆيدەوسى جاريالاندى
ايتا كەتسەك، بۇعان دەيىن امەريكاداعى The World's Best تالانتتار بايقاۋى قازىلار القاسىنىڭ قازاقستاندىق مۇشەسى گاۋحار نۇرتاس ينستاگرامداعى پاراقشاسىندا قازاقستاندىقتار ديماشتىڭ ءان شىرقاعانىن قاشان جانە قاي جەردەن كورۋگە بولاتىنىن، سونداي-اق بايقاۋدا ول ءۇشىن قالاي داۋىس بەرە الاتىنى جايىندا جازعان ەدى.
«سارسەنبى، 6 -اقپان، لوس-انجەلەس ۋاقىتىمەن ساعات 20:00-دە The World's Best تالانتتار بايقاۋىنىڭ ەكىنشى ەپيزودى باستالادى. ا ق ش-تان تىس ەلدەگى جانكۇيەرلەر، Instagram جانە Youtube-تا مەنىڭ live كورسەتىلىمىمە قوسىلىڭىزدار»، - دەپ جازدى گاۋحار نۇرتاس.
قازاقستاندىقتار ديماش پەن دانەليا ءۇشىن تۋيتتەردە داۋىس بەرە الادى.
ديماشتىڭ بۇگىن جانكۇيەرلەرى كوپتەن كۇتكەن ۆيدەوسى بايقاۋدىڭ يۋتۋبتاعى ارناسىندا جاريالاندى.
ال ينستاگرامداعى dimash.dostar پاراقشاسىندا ديماشتىڭ قازىلاردىڭ ەڭ جوعارعى باعاسىن العانى تۋرالى ۆيدەوسى جاريالاندى.
«قالايسىزدار، dears! (ءانشى جانكۇيەرلەرى - اۆت. ) مۇنى دا اقىرى كوردىك جانە ول عاجاپ بولدى! تورەشىلەر ديماشقا ەڭ جوعارعى 50 ۇپاي بەردى. ديماش سونداي-اق، «الەم قابىرعاسىنان» 48 ۇپاي. ەندى كىشكەنە تىنىسىمىزدى كەڭ الىپ، كەلەسى كەزەڭگە دايىندالۋعا بولادى»، - دەلىنگەن جازبادا.