الەمنىڭ ەڭ قىمبات ماشيناسى قانشا تۇراتىنىن بىلەسىز بە؟

 استانا. قازاقپارات - ا ق ش- تىڭ ەڭ باي ادامدارىنىڭ ءبىرى، مودەلەر جانە بيزنەسمەن رالف لورەننىڭ گاراجىنان تابىلعان انتيكۆاريات Bugatti 57SC Atlantic رەكوردتىق سۋمماعا - 40 ميلليون دوللارعا باعالاندى.

 بۇل مودەلدەگى ماشينالار 1934-40 -جىلدار ارالىعىندا ساناۋلى دانامەن جاساپ شىعارىلعان. Bugatti كومپانياسى بۇل تۇردەگى ماشينالاردىڭ 710 داناسىن جاساپ شىعارعانىمەن، 57 SC يندەكستى مودەل تەك ارنايى تاپسىرىسپەن جاسالعان. ماشيناداعى «س» يندەكسى قوزعالقىشتىڭ 210 ات كۇشىن كوتەرە الاتىن كومپرەسسوردى بىلدىرەدى. ماشيانىڭ يەسى - رالف لورەن.

كولىك قاڭقاسى ماگني- اليۋمينييدەن جاسالعان. بۇگىندە وسىنداي ماشينادان بار- جوعى 2 داناسى قالعان (ەكىنشىسى Mullina مۇراجايىنىڭ ەكسپوناتىنا اينالىپ ۇلگەردى) . ال ءۇشىنشىسى ا ق ش- تاعى تەمىر جول اپاتى كەزىندە جوعالىپ كەتكەن. ايتا كەتەيىك، قازىر ەڭ قىمبات اۆتوموبيل Lamborghini كومپانياسىنىڭ Veneno Roadster سۋپەركارى. اتالعان كولىكتىڭ باعاسى 4,5 ميلليون دوللار.

Massaget.kz