الەم ەلدەرى جاڭا جاھاندىق اپاتتىڭ بولۋىنا جول بەرمەۋى ءتيىس - ەلباسى

استانا. قازاقپارات - بەيبىتشىلىكتى قالايتىن ەلدەر جاڭا جاھاندىق اپاتتىڭ بولۋىنا جول بەرمەۋ ءۇشىن جۇمىس ىستەۋى قاجەت.
None
None

بۇل تۋرالى بۇگىن اقوردادا ءبىرقاتار شەتەل ەلشىسىنەن سەنىم گراموتاسىن قابىلداعان ەلباسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.

«حالىقارالىق قاتىناستار سالاسىندا الەمدىك جۇيەنىڭ تۇبەگەيلى وزگەرىسكە ۇشىراعانى بارشاڭىزعا ءمالىم. جەتەكشى يادرولىق مەملەكەتتەر اراسىنداعى تەكەتىرەس الەم جۇرتشىلىعىن الاڭداتىپ وتىر. وسى ورايدا ورتا جانە كىشى قاشىقتىقتاعى زىمىرانداردى جويۋ تۋرالى شارتتىڭ بۇزىلۋ قاۋپىن ەرەكشە اتاپ وتكەن ءجون. بەيبىتشىلىكتى قالايتىن ەلدەر جاڭا جاھاندىق اپاتتىڭ بولۋىنا جول بەرمەۋ ءۇشىن، الدىن الۋ ءۇشىن جۇمىس ىستەۋى قاجەت. بۇل ءبىزدىڭ بۇكىل ادامزات الدىنداعى تاريحي جاۋاپكەرشىلىگىمىز بولىپ سانالادى»، - دەدى ەلباسى.

نۇرسۇلتان نازاربايەۆ ەلشىلەردىڭ نازارىن قازاقستاننىڭ الەمدىك تاتۋلىق پەن بىرلىكتى ساقتاۋعا ءاردايىم قولداۋ كورسەتەتىندىگىنە، وعان ەلىمىزدىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە اتقارعان قىزمەتى ايقىن دالەل بولاتىندىعىنا اۋداردى.

«جاھان جۇرتشىلىعى قازاقستاندى يادرولىق قارۋعا قارسى قوزعالىستىڭ كوشباسشىسى رەتىندە مويىنداپ وتىر. بيىل 29- تامىزدا سەمەي پوليگونىندا العاشقى يادرولىق سىناقتىڭ وتكىزىلگەنىنە 70 جىل تولادى. ءبىز بۇل اتاۋلى داتاعا ەرەكشە ءمان بەرەمىز. ءبىز باستاعان «الەم.  XXI عاسىر» مانيفەسىن كەڭ تانىتۋ يادرولىق قاۋىپ-قاتەرگە قارسى تۇرۋدىڭ ماڭىزدى مىندەتى بولىپ وتىر. ونىڭ ستراتەگيالىق ماقساتى - 2045-جىلى، ياعني ب ۇ ۇ- نىڭ 100 جىلدىعىنا قاراي يادرولىق قارۋسىز الەم قۇرۋ»، - دەپ اتاپ ءوتتى مەملەكەت باسشىسى.

ەلباسى قازاقستان انتيادرولىق ءىس-قيمىلدارمەن قاتار وڭىرلىك دەڭگەيدەگى قاقتىعىستاردى رەتتەۋگە دە بەلسەندى اتسالىسىپ كەلە جاتقانىن ايتتى.

«وعان سيريا ماسەلەسى جونىندەگى استانا پروتسەسى، اۋعانستانعا كورسەتىلگەن كومەك جانە باسقا يگى ىستەرىمىز دالەل بولماق. مەملەكەتىمىز الداعى ۋاقىتتا دا الەمدىك قاۋىپسىزدىك پەن تۇراقتىلىقتى نىعايتۋعا ءوز ۇلەسىن قوسا بەرەتىن بولادى»، - دەدى نۇرسۇلتان نازاربايەۆ.

سوڭعى جاڭالىقتار