دۇرىس ۇيقى دەنساۋلىقتىڭ كەپىلى

 استانا. قازاقپارات - دەمالىس مەزگىلىندە ەركىنسىپ، تۇنىمەن عالامتور اقتارىپ نەمەسە كىتاپ وقىپ كوپتەگەن ادامدار كەش ۇيىقتايدى.

بۇل ۇيقى رەجيمىنىڭ بۇزىلۋىنا الىپ كەلەدى. كەش ۇيىقتاۋ ارقىلى ءسىز اعزاڭىزعا كۇش سالىپ، ءتۇرلى اۋرۋلارعا شالدىعۋ قاۋپىن كۇشەيتەسىز. سوندىقتان، كەش ۇيىقتاۋدىڭ زياندى جاقتارىن بىلە ءجۇرىڭىز.

1. سوزىلمالى شارشاۋ

ادامدا قالىپتى ۇيقى بولماعاندىقتان ۋاقىت وتە كەلە اعزادا ىشكى سترەسس ارتادى. ناتيجەسىندە، سوزىلمالى شارشاۋ جانە ءوزىن- ءوزى قايتا قالىپقا كەلتىرە الماۋ تۋىندايدى.

2. سۇلۋلىقتان ايىرىلۋ

ۇيقى ول ادەمىلىكتى ساقتاۋ ءۇشىن ەڭ ءتيىمدى جانە تولىقتاي تەگىن ءتاسىل. سەبەبى، ۇيقى كەزىندە تەرى جاسۋشاسىندا رەگەنەراتسيا ءجۇرىپ، ۇلپالار قايتا قالپىنا كەلەدى.

3. ارتىق سالماق

امەريكالىق عالىمدار ۋاقىتىلى ۇيىقتاعان ايەلدەر اۋرۋدان تەز ايىعاتىنىن دالەلدەگەن. اعزاداعى ۇيقى جەتىسپەۋشىلىگى زات الماسۋدى ناشارلاتادى. اعزاعا ۇيقى جەتىسپەگەندىكتەن ارتىق سالماق قوسۋ پروتسەسى 2 ەسە جىلدام جۇرەدى.

4. يممۋندىق جۇيەنىڭ السىرەۋى

ءبارى ايقىن جانە قاراپايىم: تۇندە اعزا قالپىنا كەلىپ، جاڭارتىلادى، ول يممۋندىق جۇيەنى نىعايتۋعا كومەكتەسەدى. تۇندە يممۋندىق جۇيەنىڭ بەلسەندىرىلگەن جاسۋشالارى، كۇنى بويى دەنەگە كىرگەن پاتوگەندى ميكرواعزالاردى جويادى. ۇيقىنىڭ تۇراقتى تۇردە بولماۋى، اعزانىڭ تۇماۋ جانە ج ر ۆ ي مەن اۋرۋ قاۋپىن 3 ەسە ارتتىرادى. ەرەسەكتەرگە دەندەرى ساۋ بولۋى ءۇشىن 7-8 ساعات ۇيىقتاۋى قاجەت.

5. قارتايۋ

تۇنگى ۇيقى كەزىندە، تەرى جاسۋشالارى قالپىنا كەلەدى، قان اينالىمى جاقسارىپ، جاسۋشانىڭ وتتەگى، امين قىشقىلدارىمەن قانىعۋىنا مۇمكىندىك بەرەدى. تەرى ءتۇسىن، تەگىستىگىن تابيعي جولمەن جاقسارتادى. الايدا، بۇل پروتسەس 8 ساعاتتان كەم ەمەس ۇيقى كەزىندە جۇرەدى.