استانادا ستۋدەنتتەردىڭ ونەرتابىسىن پاتەنتتەۋگە كومەكتەسەتىن ورتالىق اشىلادى
قۇجاتقا «ۇلتتىق زياتكەرلىك مەنشىك ينستيتۋتى» رمك ديرەكتورى ەربول وسپانوۆ جانە نازاربايەۆ ۋنيۆەرسيتەتىنىڭ پرورەكتورى ادەسيدا يلەسانمي قول قويدى.
«ءبىزدىڭ ۇيىمداردىڭ قىزمەتى قىزمەتى سان الۋان، ءبىراق ماقساتىمىز ءبىر - قازاقستاننىڭ يننوۆاتسيالىق ەكونوميكاسىن دامىتۋ، ادامي كاپيتالدى كوتەرۋ. ۋنيۆەرسيتەتپەن ءتۇرلى باعىتتاردا، اسىرەسە وقىتۋ سەمينارلارىن ۇيىمداستىرۋدا بىرلەسە جۇمىس ىستەگىمىز كەلەدى. وزدەرىڭىز بىلەتىندەي، قازاقستاندا بۇكىلالەمدىك زياتكەرلىك مەنشىك ۇيىمىنىڭ ساراپشىلارىمەن سەمينارلار وتكىزىپ كەلەمىز. بۇل جيىندار ەندى نازاربايەۆ ۋنيۆەرسيەتىندە وتەدى» ، - دەدى ەربول وسپانوۆ.
ەكىنشىدەن، «Astana Business Campus» جوباسىن بەلسەندى جۇرگىزىپ كەلە جاتقانىن اتاپ ءوتىپ، جاڭا ونەرتابىستاردى پاتەنتتەۋگە كومەك ۇسىندى. سونداي- اق، ىنتىماقتاستىق اياسىندا جاڭا ورتالىقتىڭ اشىلاتىنىن حابارلادى.
«نازاربايەۆ ۋنيۆەرسيتەتىندە زياتكەرلىك مەنشىك تۋرالى ىشكى ءتارتىپ بەكىتكەنىنەن حاباردارمىز. مۇندا دا ءوز اقىل- كەڭەسىمىزدى بەرگىمىز كەلەدى. سونىمەن بىرگە، ينستيتۋتىمىزدىڭ «تەحنولوگيالار مەن يننوۆاتسيالارعا قولداۋ كورسەتۋ ورتالىعى» باستاماسىنا قولداۋ كورسەتكەندەرىڭىز ءۇشىن العىس ايتامىن. بۇل ورتالىقتى بيىل اشقىمىز كەلەدى، وندا ستۋدەنتتەر پاتەنتتىك ادەبيەت بويىنشا ەڭ ماڭىزدى اقپاراتتى الا الادى» ، - دەدى ە. وسپانوۆ.
