ە ا ە و ۇكىمەت باسشىلارى سيفرلاندىرۋ كەلەشەگىن تالقىلاۋ ءۇشىن الماتىدا باس قوستى
بۇل فورۋم ەۋرازيا يننوۆاتسيالىق ەكوجۇيەسىن دامىتۋعا باعىتتالعان. جيىندى ق ر اقپارات جانە كوممۋنيكاتسيالار مينيسترلىگى وتكىزىپ جاتىر. بيىل القالى جيىندا الەمنىڭ ءىرى ІТ كومپانيالارىنىڭ نەگىزىن قالاۋشىلار، حالىقارالىق ІТ تەحنوپارك باسشىلارى، ا ق ش، ۇلى بريتانيا، گەرمانيا، فرانسيا، سينگاپۋر، شۆەيتساريا جانە ت م د ەلدەرى تەحنولوگيالىق يندۋسترياسىنىڭ 50 دەن اسا وكىلى وزىق تاجىريبەسىمەن بولىسەدى.
«جاھاندانۋ داۋىرىندەگى سيفرلاندىرۋدىڭ كۇن ءتارتىبى 2.0.» شەڭبەرىندە قازاقستان، رەسەي، بەلارۋس، قىرعىز رەسپۋبليكاسى، ارمەنيا ۆيتسە-پرەمەرى، ەۋرازيالىق ەكونوميكالىق كوميسسيا كوللەگياسىنىڭ ءتوراعاسى پلەنارلىق وتىرىسقا قاتىسادى.
قاتىسۋشىلار ەۋرازيا تەحنوپاركتەرىنىڭ ينتەگراتسياسى پەرسپەكتيۆالارىن، ورتاق يننوۆاتسيالىق جوبالار قۇرۋ مۇمكىندىگىن، ІТ سالاسىنداعى ستارتاپ كومپانيالاردى قولداۋ ماسەلەسىندەگى تاجىريبەلەرىمەن بولىسەدى. ودان بولەك ە ا ە و سيفرلاندىرۋ كۇن تارتىبىنە سايكەس يننوۆاتسيالىق ەكوجۇيە، 4.0 يندۋسترياسىنىڭ دامۋى، تۇراقتى دامۋ كورسەتكىشتەرىنە جەتۋ، ش و ب سيفرلاندىرۋ مالەسەسىنە باعىتتالعان 5 پانەلدى وتىرىس جوسپارلانعان.
ايتا كەتەيىك، «جاھاندانۋ داۋىرىندەگى سيفرلاندىرۋدىڭ كۇن ءتارتىبى 2.0.» ءداستۇرلى فورۋمى نۇرسۇلتان نازاربايەۆتىڭ باستاماسىمەن وتكىزىلىپ كەلەدى. القالى جيىن ە ا ە و مۇشە ەلدەرى اراسىندا سيفرلىق تەحنولوگيالاردى بىرىگە دامىتۋعا باعىتتالعان.
