پوليتسيا الماتى تۇرعىنىنىڭ ۇرلانعان كولىگىن تەز ارادا تاۋىپ بەردى

الماتى. قازاقپارات - الماتىدا پوليتسيا ۇرلانعان كولىكتى يەسىنە قايتارىپ بەردى. بۇل تۋرالى قالالىق پوليتسيا دەپارتامەنتىنىڭ باسپا ءسوز قىزمەتى حابارلادى.

تاتيانا بۋدايەۆا فەيسبۋكتە كولىگىنىڭ جوعالىپ تابىلعانى تۋرالى جازبا قالدىرعان. تاڭعى 9:30-دا ۇيىنەن شىققان ايەل كولىگىن قويعان ورنىنان تاپپاي قالعان. 102-نومىرىنە حابارلاسقاندا 10 مينۋت ىشىندە پوليتسيا كەلگەن. بارلىق قىزمەت وكىلدەرى بەينەكامەرا جازبالارىن قاراپ، كورشىلەردەن سۇراق- جاۋاپ الىپ شىقتى.

جۇرگىزىلگەن جەدەل ىزدەستىرۋ جۇمىستارىنىڭ ارقاسىندا كولىك 10 مينۋتتاي قاشىقتىقتا تۇرعان جەرىنەن تابىلدى.

«ءبىزدىڭ بولىمشەگە «تويوتا كامري» كولىگى ۇرلانعانى تۋرالى حابارلاما ءتۇستى. كولىك يەسىنىڭ تۇسىنىكتەمەسى بويىنشا جەدەل تەرگەۋ توبى قۇرىلدى. كۇدىكتى قىلمىستىڭ ءىزى سۋىماي جاتىپ، ءبىر تاۋلىك ىشىندە ۇستالدى. كولىكتى الماتى وبلىسىنىڭ 32 جاستاعى تۋماسى ايداپ كەتكەن. كولىك يەسىنە كەلەسى كۇنى قايتارىلدى»، - دەدى المالى اۋداندىق پوليتسيا باسقارماسىنىڭ ءبولىم باسشىسى تاڭات نازانوۆ.

كولىك يەسى تاتيانا بۋدايەۆا پوليتسيا قىزمەتكەرلەرىنىڭ جەدەل ارەكەتى ءۇشىن العىس ءبىلدىردى.

«اۆتوتۇراقتا كولىگىمنىڭ ورنىن سيپاپ قالعاندا قاتتى قاپالاندىم. مەن ونى نەسيەگە العانمىن. سونى ءالى تولەپ جاتىرمىز. پوليتسەيلەر شۇعىل ارەكەت ەتىپ، ءبىر تاۋلىك ىشىندە ماشينامدى تاۋىپ بەردى. مەن وسى پوليتسيا قىزمەتكەرلەرىن قىلمىسكەردى ءىزىن سۋىتپاي ۇستاعانى ءۇشىن ماراپاتتاۋدى ۇسىنامىن»، - دەدى تاتيانا بۋدايەۆا.