قازاقستان بيىل قانشا استىق ەكسپورتتاماق

استانا. قازاقپارات - وتكەن كۇنتىزبەلىك جىل ىشىندە قازاقستان رەكوردتىق استىق پەن ۇندى ەكسپورتقا شىعاردى.

بۇل تۋرالى بۇگىن ق ر اشم وسىمدىك شارۋاشىلىعى ونىمدەرىن ءوندىرۋ جانە قايتا وڭدەۋ دەپارتامەنتىنىڭ ديرەكتورى ازات سۇلتانوۆ ايتتى، دەپ حابارلايدى قازاقپارات ءتىلشىسى.

"ەكسپورت بويىنشا كورسەتكىشتەرىمىز جاقسى. 2018-2019 ماركەتينگ جىلىن الار بولساق، بۇعان دەيىنگى ماركەتينگ جىلمەن سالىستىرعاندا 1,2 ميلليون توننا استىق پەن بيداي ەكۆيۆالەنتىندەگى ۇندى جونەلتتىك. ءدال قازىرگى ۋاقىتتا، قاڭتاردىڭ 20 سىن الساق، استىق پەن بيداي ەكۆيۆالەنتىندەگى ۇن ەكسپورتى 6 ميلليون 831 مىڭ توننانى قۇرايدى»، - دەدى ا. سۇلتانوۆ.

 وسى رەتتە دەپارتامەنت باسشى وتكەن كۇنتىزبەلىك جىل ىشىندە قازاقستان سوڭعى 20 جىلدىڭ ىشىندە رەكوردتىق كورسەتكىشكە قول جەتكىزىپ، 11,6 ميلليون توننا استىق پەن بيداي ەكۆيۆالەنتىندەگى ۇندى ەكسپورتقا شىعارعانىن ايتتى. سونىمەن قاتار الداعى ماركەتينگ جىلىنداعى قازاقستاننىڭ ەكسپورتتىق الەۋەتى كەمىندە 9 مىڭ توننا بولاتىندىعىن اتاپ ءوتىپ، بيىلعى ەگىن شىعىمىنا قاتىستى بولجامىمەن ءبولىستى.

"وسى جىلى دا ءونىم جاقسى بولادى دەپ وتىرمىز. ىلعال دەڭگەيى جاقسى، ساپالى تۇقىم دا بەرەمىز. سوندىقتان وتكەن جىلعا قاراعاندا ءتۇسىم جوعارى بولادى دەپ بولجاپ وتىرمىز"، - دەدى دەپارتامەنت باسشىسى.