20:33, 28 - قاڭتار 2019 | GMT +6
نۇرسۇلتان نازاربايەۆ برازيليا پرەزيدەنتىنە كوڭىل ايتتى
استانا. قازاقپارات - نۇرسۇلتان نازاربايەۆ برازيليا فەدەراتيۆتىك رەسپۋبليكاسىنىڭ پرەزيدەنتى جاير مەسسياس بولسونارۋعا كوڭىل ايتۋ جەدەلحاتىن جولدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى نۇرسۇلتان نازاربايەۆ ميناس- جەرايس شتاتىنداعى بوگەتتىڭ بۇزىلۋى سالدارىنان كوپتەگەن ادامنىڭ قازا بولعانى تۋرالى حاباردى زور كۇيزەلىسپەن قابىلدادى.
«وسىنداي قيىن ساتتە قازاقستان حالقىنىڭ جانە جەكە ءوزىمنىڭ اتىمنان سىزگە، قازا تاپقانداردىڭ تۋعان- تۋىسقاندارى مەن جاقىندارىنا، سونداي- اق بارشا برازيليا حالقىنا كوڭىل ايتامىن.
قايعىلارىڭىزعا ورتاقتاسا وتىرىپ، زارداپ شەككەندەردىڭ تەزىرەك ساۋىعىپ، وتباسىلارىنا ورالۋىنا تىلەكتەستىگىمدى بىلدىرەمىن» ، - دەلىنگەن جەدەلحاتتا.
ەسكە سالا كەتسەك، برازيليادا سۋ بوگەتى جارىلىپ، 150 ادام ءىز- ءتۇزسىز جوعالىپ كەتكەن بولاتىن.
