وتاندىق ونىمدەر قىتايدىڭ ەلەكتروندى ساۋدا جەلىلەرى ارقىلى ساتىلماق
ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى ارىستانبەك قابىكەنوۆتىڭ ايتۋىنشا، قازاقستاننىڭ ەكسپورتى ءبىر جىلدىڭ ىشىندە 26,4 پروتسەنتكە ءوستى. سونىڭ ىشىندە شيكىزاتتىق ەمەس ونىمدەردىڭ كولەمى 2,9 پروتسەنتكە ارتىپ، 14,3 ميلليارد دوللاردى قۇرادى. ال وڭدەۋ ونەركاسىبىنىڭ ەكسپورتى 9 پروتسەنتكە ءوسىپ وتىر.
«بۇگىندە قازاقستان 119 ەلگە 800 گە جۋىق ءونىمدى ەكسپورتتايدى. ەكسپورتتىق قورجىنىمىز جىل سايىن ورتا ەسەپپەن 5-8 ونىممەن تولىقتىرىلىپ وتىرادى. اتاپ ايتقاندا، 2017 -جىلى ەكسپورتتىق تاۋارلاردىڭ جاڭا توپتارى - اۆتوكولىكتەر، كۇن پانەلدەرى، گاز قازاندىقتارى، كارتريدجدەر، رەلستەر جانە پوستتەرمينالدار، ال 2018 -جىلى بىرىككەن اراب امىرلىكتەرىنىڭ نارىعىنا بالدى ونەركاسىپتىك مولشەردە ەكسپورتتاي باستادىق. قىتاي حالىق رەسپۋبليكاسىنىڭ نارىعىنا العاش رەت قازاقستاندىق بالمۇزداقتى شىعارا باستادىق. بۇدان بولەك، مينيسترلىكتىڭ قولداۋىمەن قىتايدا ۇيىمداستىرىلعان ساۋدا- ەكونوميكالىق ميسسيانىڭ شەڭبەرىندە العاش رەت قازاقستاننان ەت جەتكىزىلدى. كەلىسىمشارت بەس جىلعا جاسالدى» ، - دەدى ا. قابىكەنوۆ ۇكىمەت ۇيىندە وتكەن باسپا ءسوز ءماسليحاتىندا.
ونىڭ سوزىنە قاراعاندا، وتكەن جىلى شيان قالاسىندا قازاقستاننىڭ ءبىرىنشى ساۋدا ءۇيى اشىلدى. اعىمداعى جىلى ول جەرگە وتاندىق ونىمدەر جەتكىزىلەتىن بولادى. سونداي- اق، تاۋارلارىمىز قىتايدىڭ ەلەكتروندى ساۋدا جەلىلەرى ارقىلى ساتىلادى دەگەن جوسپار بار.
