وتاندىق سۋسىندار ۇلى بريتانيا مەن جاپونياعا ەكسپورتتالادى

 استانا. قازاقپارات - ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى ارىستانبەك قابىكەنوۆ اعىمداعى جىلى ەكسپورتقا شىعارىلاتىن تاۋارلاردى اتادى، دەپ حابارلايدى قازاقپارات ءتىلشىسى.

«بيىل ەكسپورتتىڭ گەوگرافياسى كەڭەيەدى دەگەن جوسپارىمىز بار. تەمىرجول ونىمدەرى - مىسىر، ازەربايجان مەن وزبەكستانعا، اممياك سەليتراسى - گرۋزياعا، سارى فوسفور مەن فوسفور- كاليي تىڭايتقىشتارى - اقش، چەحيا، گەرمانيا مەن پولشاعا، بالمۇزداق - موڭعولياعا، سۋ، ءسۇت پەن ەت - اۋعانستان، سينگاپۋر مەن قىتايعا، جەڭىل كولىكتەر - قىرعىزستانعا، ارماتۋرا - تاجىكستانعا، سافلور مايى - جاپونياعا، ناتري سيانيتى - رەسەيگە، اموني سۋلفاتى - قىرعىزستان، رەسەي مەن تاجىكستانعا، حروم ونىمدەرى مەن الكوگولسىز سۋسىندار - جاپونيا، ۇلى بريتانيا، تۇركيا، اۋعانستان مەن بەلارۋس ەلىنە، قۇرىلىس قىزمەتتەرى، سينتەتيكالىق ميكروفيبرا، شويىن بۇيىمدارى جانە اۆتوبۋستار جاقىن شەتەلگە ەكسپورتتالادى» ، - دەدى ا. قابىكەنوۆ ۇكىمەت ۇيىندە وتكەن باسپا ءسوز ءماسليحاتىندا.

ايتا كەتەيىك، رەسمي مالىمەتكە سايكەس، 2018 -جىلى ون ءبىر ايدىڭ ىشىندە جالپى ەكسپورتتىڭ كولەمى 54,7 ميلليارد ا ق ش دوللارىنا جەتتى. ءبىر جىلدىڭ ىشىندە اتالعان كورسەتكىش 26,4 پروتسەنتكە ءوستى. سونىڭ ىشىندە شيكىزاتتىق ەمەس ونىمدەردىڭ كولەمى 2,9 پروتسەنتكە ارتىپ، 14,3 ميلليارد دوللاردى قۇرادى. ال وڭدەۋ ونەركاسىبىنىڭ ەكسپورتى 9 پروتسەنتكە ءوسىپ وتىر.

 «بۇگىندە قازاقستان 119 ەلگە 800 گە جۋىق ءونىمدى ەكسپورتتايدى. ەكسپورتتىق قورجىنىمىز جىل سايىن ورتا ەسەپپەن 5-8 ونىممەن تولىقتىرىلىپ وتىرادى» ، - دەپ اتاپ كورسەتتى ا. قابىكەنوۆ.