استاناداعى جاڭا ونكولوگيا ورتالىعى قاشان پايدالانۋعا بەرىلەدى
ۇلتتىق عىلىمي ونكولوگيا ورتالىعى باسقارما ءتوراعاسىنىڭ ورىنباسارى داۋلەت بايپەيىسوۆتىڭ ايتۋىنشا، جاڭا ورتالىق قولدانىستاعى نىساندى قايتا قۇرۋ جولىمەن ىسكە اسىرىلادى. بۇل تۇرعىدا جاڭا ەمدەۋ- دياگنوستيكالىق بلوكتىڭ قۇرىلىسى جۇرگىزىلەدى. بۇگىندە 2018-2020 -جىلدارعا ارنالعان جول كارتاسى جۇزەگە اسىرىلىپ جاتىر. سونىمەن قاتار، نىساندى جوبالاۋعا ارنالعان تەحنيكالىق جانە مەديتسينالىق- تەحنولوگيالىق تاپسىرمالار ازىرلەندى.
«قۇرىلىس جۇمىستارى 2019 -جىلدىڭ ناۋرىزىندا باستالادى، سونداي- اق نىساندار 2020 -جىلى جەلتوقساندا تاپسىرىلادى»، - دەپ ناقتالادى ول.
د. بايپەيىسوۆ ورتالىق اشىلعانعا دەيىنگى ەكى جىل مەرزىمدە سوڭعى بۋىندى تەحنولوگيامەن جۇمىس ىستەي الاتىن ماماندار دايارلىقتان وتكىزىلەتىنىن اتاپ ءوتتى.
«قازاقستاندا جاستار جىلى جاريالاندى. سوندىقتان ءبىزدىڭ ورتالىق جۇمىسىندا بىلىكتى جاس ماماندارعا ەكپىن قويامىز. شەتەلدەگى ۇزدىك وقۋ ورىندارىندا ءبىلىم العان جاس دارىگەرلەر وزىمىزگە تارتاتىن بولامىز»، - دەدى ول.
بەلگىلى بولعانداي، ەلورداداعى بۇل ورتالىقتا جىل سايىن جوعارى تەحنولوگيالىق مەديتسينالىق قىزمەتتى قولدانا وتىرىپ، ستاتسيونارلىق كومەك جاعدايىندا 6 مىڭ جانە امبۋلاتورلىق جاعدايدا 30 مىڭنان اسا ناۋقاس مەديتسينالىق كومەك الاتىن بولادى. زاماناۋي ساۋلە تەراپياسى قىزمەتى 4 مىڭ پاتسيەنتكە كورسەتىلەدى. سول سياقتى، 10 مىڭ ناۋقاس يادرولىق مەديتسينانىڭ كومەگىمەن ونكولوگيالىق اۋرۋلاردى دياگنوستيكالاۋ جانە ەمدەۋ مۇمكىندىگىن الادى. ورتالىق ەلىمىز حالقىن باستاپقى كەزەڭدەگى داگنوستيكانىڭ وتە ءتيىمدى ءارى جوعارى تەحنولوگيالىق ادىستەرىمەن جانە قاتەرلى ىسىكتى ۇزدىك حالىقارالىق تاجىريبەلەر نەگىزىندە ەمدەۋمەن قامتاماسىز ەتۋگە باعىتتالعان.
تاراتىلعان مالىمەتكە قاراعاندا، جىل سايىن قازاقستاندا قاتەرلىك ىسىك اۋرۋلارىنىڭ 35 مىڭنان استام جاعدايى تىركەلەدى. 170 مىڭعا جۋىق تۇرعىن قاتەرلى ىسىك اۋرۋىنا بايلانىستى ەسەپتە تۇر.
ايتا كەتەيىك، مەملەكەت باسشىسى ءوزىنىڭ حالىققا ارنالعان جولداۋىندا 2019 -جىلى استانادا ۇلتتىق عىلىمي ونكولوگيالىق ورتالىقتىڭ قۇرىلىسىن باستاۋدى تاپسىردى. سونداي- اق، ول ورتالىقتىڭ قانشا ناۋقاسقا قىزمەت كورسەتەتىنى الدىن الا حابارلاندى.
اۆتور: رۋسلان عابباسوۆ
