ارتىق سالماق ميدىڭ جۇمىسىن ناشارلاتادى- عالىمدار
ولار بۇل زەرتتەۋدى ورتاشا ەسەپپەن 55 جاستاعى ون مىڭ ادامنىڭ مالىمەتتەرىن نەگىزگە الا وتىرىپ جۇرگىزگەن.
«ارتىق سالماق مي كولەمىن ازايتا ما، الدە مي كولەمىنىڭ از بولعانىنان ارتىق سالماق پايدا بولا ما دەگەن سۇراقتىڭ ءالى دە ناقتى جاۋابىن تاپپادى. دەگەنمەن، بۇل جاعدايعا جۇرەك قانتامىر جۇيەسىنە تۇسەتىن اۋىر سالماق اسەر ەتۋى مۇمكىن. ماماندار ارتىق سالماق كەزىندە قاندى قاجەت ەتەتىن كلەتكالار دا ارتاتىندىقتان، وسىنداي قيىندىقتار بولىپ تۇرادى»، - دەيدى عالىمدار. ياعني، ارتىق سالماق كەزىندە ميعا وتتەگى از بارىپ، ناتيجەسىندە مي كلەتكالارى ءولۋى مۇمكىن. ءوز كەزەگىندە بۇل ەستە ساقتاۋ قابىلەتىنىڭ تومەندەۋىنە الىپ كەلەدى.
«ارتىق سالماق كەسىرىنەن ادام از قيمىلدايدى. بۇل كونگنيتيۆتى قابىلەتكە دە، ەستە ساقتاۋ قابىلەتىنە دە كەرى اسەرىن تيگىزەدى»، - دەيدى نەيروفيزيولوگ يۋرگەن زاندكيۋلەر.
ونىڭ ايتۋىنشا، ورتالىق ەۋروپاداعى جۇرەك- قانتامىر جۇيەسى اۋرۋلارىنان بولعان ءولىمنىڭ قىرىق پايىزىنا دۇرىس تاماقتانباۋ اسەر ەتكەن.
اۋدارما: ايكۇمىس بولاتبەك
