09:28, 19 - قاڭتار 2019 | GMT +6
عالىمدار كوپ ۇيىقتاۋ جۇكتى ايەلدەر ءۇشىن قاتەرلى ەكەنىن ايتتى
استانا. قازاقپارات - ا ق ش- تاعى ميچيگان ۋنيۆەرسيتەتىنىڭ عالىمدارى تاۋلىگىنە توعىز ساعاتتان استام ۇيقىنىڭ جۇكتى ايەلدەرگە قاتەرىن زەرتتەدى. بۇل تۋرالى EurekAlert باسىلىمى حابارلايدى.
زەرتتەۋگە 600-دەن استام ايەل قاتىستى. ولاردىڭ 153- ءى جۇكتىلىكتىڭ سوڭعى ايىندا تۇسىك تاستاعان، ال 480 ايەل ءۇشىنشى تريمەستردە، كەيبىرى ەندى عانا بوسانعان ايەلدەر بولدى.
ماماندار جۇكتى ايەلدىڭ تۇنگى ۇيقىسىنىڭ ءجيى ءبولىنۋى ىشتەگى بالا ءۇشىن قورعانىس مەحانيزمى مىندەتىن اتقاراتىنىن انىقتادى. توعىز ساعاتتان اساتىن ءۇزىلىسسىز ۇيقى تۇسىك تاستاۋعا نەمەسە ەرتە بوسانۋعا سەبەپ بولاتىن كورىنەدى.
عالىمداردىڭ ءبىرى لۋيزا وبرايەن مۇنىڭ سالدارىن تەكسەرۋ قاجەتتىگىن ايتادى. ازىرگە ءبىر بەلگىلىسى، تۇندە ءجيى ويانۋ ارتەريالدىق قىسىمدى كوتەرىپ، ۆەگەتاتيۆتىك جۇيكە جۇيەسىن بەلسەندى ەتەدى.
