ق ح ر ءتوراعاسى قازاقستانعا رەسمي ساپارمەن كەلۋى مۇمكىن - ەلشى
ەلشى «قىتاي ءتوراعاسى شي جينپيننىڭ قازاقستانعا رەسمي ساپارمەن كەلۋى جانە ق ر پرەزيدەنتى نۇرسۇلتان نازاربايەۆتىڭ قىتايعا بارۋى مۇمكىن بە» دەگەن سۇراققا جاۋاپ بەردى.
«قازىر بۇل سۇراقتار ەكى ەلدىڭ سىرتقى ىستەر مينيسترلىكتەرىنىڭ كۇن تارتىبىندە تالقىلانىپ جاتىر. كەلۋى مۇمكىن ەكەنىن جوققا شىعارمايمىن» ، - دەدى ديپلومات.
ايتۋىنشا، استانا مەن بەيجىڭدە ەكى ەلدىڭ مادەني ورتالىقتارىن اشۋ تۋرالى ۇسىنىس قازاقستاننىڭ سىرتقى ىستەر مينيسترلىگىنە جولدانعان.
«بيىل ەكىجاقتى قارىم- قاتىناستاعى ساياساتىمىزدى وسىعان دەيىنگى قالىپتاسقان دوستىعىمىزدى نىعايتۋعا باعىتتايمىز. بۇل - ءبىزدىڭ كۇندەلىكتى جۇمىسىمىز. بۇگىندە قارىشتاپ دامىپ كەلە جاتقان ەكونوميكالىق بايلانىسىمىزدى، مادەني- گۋمانيتارلىق سالامىزدى ءارى قاراي جەتىلدىرەمىز. تاعى قازىرگى ماقساتتارىمنىڭ ءبىرى - استانادا قىتاي مادەني ورتالىعىن جانە پەكيندە قازاق مادەني ورتالىعىن اشۋ. مادەني ورتالىقتى تەزدەتىپ اشۋ - مەن ءۇشىن كۇن تارتىبىندەگى وزەكتى ماسەلەلەردىڭ ءبىرى. قازاقستاننىڭ سىرتقى ىستەر مينيسترلىگىندەگى ارىپتەستەرىمىزگە ۇسىنىسىمىزدى جەتكىزدىك. قازىر ۆەدومستۆو ۇسىنىستى قاراستىرىپ جاتىر» ، - دەدى جاڭ شياۋ.
قىتاي حالىق رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى جاڭ شياۋ «قىتايدىڭ قازاقستاندى جاۋلايتىن گەوساياسي جوسپارى جوق» دەدى.
بيىل قىتاي جاڭا جىلى 2- اقپاندا باستالادى. وسى ايرىقشا كۇنگە وراي قىتاي حالىق رەسپۋبليكاسىنىڭ ەلشىلىگى مەن قازاقستاننىڭ ۇلتتىق مۋزەيى بىرلەسە «كوكتەم مەرەكەسى» فوتوكورمەسىن ۇيىمداستىردى.
اۆتور: راحيليا بەكنازار قىزى
baq.kz
