قازاقستان ارقىلى ەۋروپاعا جاپوندىق كومپانيانىڭ جۇكتەرى تيەلگەن پويىز جونەلتىلدى
قۇرامىندا 41 كونتەينەرى بار پويىز ون مىڭ شاقىرىمدى ەڭسەرەدى. پويىزدىڭ ورتاشا جىلدامدىعى تاۋلىگىنە 1 مىڭ شاقىرىم.
«20- جەلتوقسانىندا جونەلتىلگەن قىتايدا شوعىرلاندىرىلعان Nippon Express جاپوندىق كومپانيانىڭ جۇكتەرى تيەلگەن ءبىرىنشى كونتەينەرلىك پويىزى قازىرگى كەزدە جول ۇستىندە.
قازاقستاندىق كومپانيا ۇيىمداستىرعان حالىقارالىق كونتەينەرلىك پويىز قىتايدىڭ سيان قالاسىنان شىعىپ «قورعاس-شىعىس قاقپاسى» ا ە ا قۇرعاق پورتىندا قايتا تيەلىپ قازاقستان اۋماعى ارقىلى ترانزيتپەن دۋيسبۋرگ قالاسىنداعى (گەرمانيا) بەلگىلەنگەن ستانساعا باعىت الدى»، دەلىنگەن حابارلامادا.
كەلەسى جىلدان باستاپ سيان-دۋيسبۋرگ كونتەينەرلىك سەرۆيسىن تۇراقتى اپتا سايىنعى نەگىزگە وتكىزۋ جوسپارلانعان. سونداي-اق قيىر شىعىستان قازاقستان ارقىلى ورتالىق ازيا ەلدەرى مەن تۇركياعا تەستىلىك جۇك تاسىمالى جاسالادى دەپ كوزدەلىپ وتىر.
