استانادا مەديتسينا قىزمەتكەرلەرى ءۇشىن باسپانا سالىنادى
استانا اكىمدىگىنىڭ رەسمي سايتىنداعى اقپاراتقا سايكەس، 20 جىلدا ەلوردادا 287 مىڭ ءسابي دۇنيەگە كەلگەن. وسى جىلدارى انا مەن بالا ءولىم- ءجىتىمىن ازايتۋ ماقساتىندا شۇعىل شارالار قولعا الىندى. ولاردىڭ اياسىندا ەلوردا اۋرۋحانالارىنداعى ورىن سانى ارتتىرىلىپ، كادر تاپشىلىعى ماسەلەسى شەشىلدى، قىزمەت كورسەتۋ ماماندارى بىلىكتىلىكتەرىن كوتەردى.
«ەلوردا تۇرعىندارى سانىنىڭ ءوسىمىن ەسەپكە الا وتىرىپ، № 1 اۋرۋحانانىڭ بازاسىندا 250 ورىنعا ارنالعان جاڭا بوساندىرۋ بلوگىنىڭ قۇرىلىس جوباسىن باستادىق. سونداي- اق، № 2 كوپبەيىندى اۋرۋحانادا ورىن سانىن 185-تەن 220-عا دەيىن ارتتىرۋ تۋرالى شەشىم قابىلدادىق»، - دەدى قامالجان نادىروۆ.
ونىڭ ايتۋىنشا، كادر تاپشىلىعىن جويۋ ءۇشىن قوعامدىق دەنساۋلىق ساقتاۋ باسقارماسى ەلىمىزدىڭ جەتەكشى ج و و- مەن ىنتىماقتاستىق قارىم- قاتىناس ورناتقان. قاجەتتى ماماندار مەملەكەتتىك گرانت ەسەبىنەن دايىندالىپ جاتىر.
«مامانداردىڭ تاپشىلىعىنا اسەر ەتەتىن فاكتورلاردىڭ ءبىرى - استانادا تۇرعىن ءۇيدىڭ جوقتىعى. تەك بيىلدىڭ وزىندە بوساندىرۋ قىزمەتىنىڭ بىلىكتى ماماندارىنا 11 پاتەر ءبولىندى. الداعى ۋاقىتتا مەديتسينا قىزمەتكەرلەرىنە باسپانا سالۋ جوسپارلانۋدا. سونداي- اق، باسپانانى قولجەتىمدى ەتۋ ماقساتىندا تۇرعىن ءۇي سەرتيفيكاتتارىن بەرۋ ماسەلەسى دە قاراستىرىلعان»، - دەدى ق. نادىروۆ.
تاجىريبەلى مامانداردان قۇرالعان موبيلدى توپتار قۇرىلدى. ولاردىڭ قۇرامىندا بىلىكتى اكۋشەر- گينەكولوگتار، قان تامىرلارى حيرۋرگتەرى، انەستەزيولوگ- رەانيماتولوگتار بار. تامىزدا باسقارما № 1 پەريناتالدى ورتالىق پەن № 2 قالالىق اۋرۋحانانى بىرىكتىرۋ ارقىلى № 2 قالالىق كوپبەيىندى اۋرۋحانانى قۇرعان بولاتىن. بۇل، ءوز كەزەگىندە ەكستراگەنيتالدى پاتولوگياسى بار ايەلدەرگە ۋاقىتىلى جانە ساپالى كومەك كورسەتۋگە مۇمكىندىك بەردى.
قامالجان نادىروۆتىڭ ايتۋىنا قاراعاندا، سوڭعى جىلدارى ەكستراگەنيتالدى پاتولوگياسى بار اياعى اۋىر ايەلدەردىڭ ميگراتسياسى ارتۋدا. ماسەلەن، 248 ايەلدىڭ % 34 - باسقا قالالاردىڭ تۇرعىندارى.
