ت م د ەلدەرىندەگى ۇزدىك اياز اتا تاڭدالدى، قازاقستان ەكىنشى ورىندا
ت م د ەلدەرى اراسىندا وتكەن سايىستا بەلارۋس اياز اتاسى توپ جاردى. قازاقستان ەكىنشى ورىننان كورىنسە، ازەربايجاندىقتار ۇشتىكتى تۇيىندەدى.
بايقاۋ جەڭىمپازى بەلارۋس ەلىندە جاڭاجىلدىق مەرەكەلەر باستالىپ كەتكەن. قىستىڭ باستى سيقىرشىسى اياز اتا بۇلدىرشىندەرمەن كەزدەسۋ وتكىزۋدە. ولاردىڭ حاتتارىن وقىپ، سىيلىقتار تاراتىپ جاتىر.
«ەگەر عاجايىپقا سەنبەسەم، اياز اتا بولماس ەدىم. ويتكەنى، اياز اتا بالالار مەن ۇلكەندەرگە كومەكتەسىپ، باۋىرمال ءارى مەيرىمدى بولۋى كەرەك. ءاربىر جانعا جىلى لەبىزىن ءبىلدىرىپ، بۇلدىرشىندەردى قۋانىش- شاتتىقا بولەۋى ءتيىس. اياز اتانىڭ جاقسىلىعى جالعاسا بەرسىن»، - دەيدى مۇنداعى اياز اتالاردىڭ ءبىرى.
ەجەلگى بەلارۋس اڭىزدارى بويىنشا، «زيۋزي» دەپ اتالاتىن اياز اتا ءۇيى بەلوۆەج ورمانىندا ورنالاسقان. ءقازىر ول ەلدەگى باستى جاڭاجىلدىق شاراعا دەيىن ءوز سارايىندا كۇن سايىن مىڭداعان ساياحاتشىنى قابىلداۋدا. بيىكتىگى 40 مەترگە جەتەتىن جاڭاجىلدىق شىرشا دا وسىندا وسەدى. مۇندا كىشكەنتاي بۇلدىرشىندەردىڭ حاتتارى مەن سىيلىقتارى ساقتالاتىن اقشاقاردىڭ ءۇيى مەن جامان قىلىقتاردى قۇمعا اينالدىراتىن ديىرمەن دە بار.
«اياز اتانىڭ اساتاياعىن ۇستاعانىما بۇگىن 24 جىل تولادى. بۇل، ۇلكەن كەزەڭ»، - دەدى بەلارۋس رەسپۋبليكاسىنىڭ ەڭبەك سىڭىرگەن ءارتىسى ۆلاديمير راديۆيلوۆ.
ۆ. راديۆيلوۆ كوپ جىلدان بەرى اياز اتانىڭ ءرولىن اتقارىپ كەلەدى. ول - تالاي ۇرپاقتىڭ تىلەگىن ورىنداعان سيقىرشى.
«ءبىر جولى ساحنا سىرتىندا ماعان ءبىر ايەل كەلىپ مەنىمەن كىشكەنە كەزىندە تۇسكەن سۋرەتىن، سودان كەيىن قاسىنا ەرتىپ كەلگەن قىزىن كورسەتتى. بالا كەزىندە جاڭاجىلدىق شىرشاعا قاتىسىپ، جانۇيالى بولعان ادامداردى كورۋ قانداي عانيبەت دەسەڭىزشى»، - دەدى ول.
فوتو: mediabrest.by
