اس قورىتۋعا پايدالى ازىق-تۇلىكتەر

 استانا. قازاقپارات - بىزگە دۇرىس تاماقتانۋدى ۇستانۋ مۇمكىن ەمەس سەكىلدى كورىنەدى. سەبەبى ماڭىزدى ىستەردەن قولىمىز بوسامايدى.

دۇرىس ازىق- تۇلىكتەر ساتىپ الىپ، تاماق دايىنداۋعا كەيدە ۋاقىت، كەيدە ىنتا بولمايدى. ال اسقازانىمىزدىڭ اۋىرۋى ادام توزگىسىز بولا تۇسەدى. كەيىن دارىگەردىڭ كومەگىنە جۇگىنسەك بولعانى، ماسەلەنى بىردەن قالپىنا كەلتىرىپ بەرەدى دەپ ويلايمىز.

ءبىراق، اسقازان- ىشەك جولى اۋرۋلارىن ەمدەۋ وڭاي ەمەس جانە ول ۇزاق جۇرەدى. سوندىقتان ءدارى ىشۋمەن قاتار، دارىگەر مىندەتتى تۇردە اس قورىتۋدى جاقسارتاتىن تاماقتاردان تۇراتىن ديەتا ۇستاۋدى ۇسىنادى. دارىگەردىڭ قاتاڭ ديەتا جازىپ بەرگەنىن كۇتپەي، اسقازان اۋرۋلارىنىڭ الدىن الۋعا بولادى. ول ءۇشىن دۇرىس تاماقتانىپ، اس قورىتۋعا كومەكتەسەتىن تاعامداردى جەۋ كەرەك. اس قورىتۋدى جاقسارتاتىن تاعامداردى دايىنداۋدىڭ ەڭ دۇرىس ءادىسى - سۋعا نەمەسە بۋعا قايناتۋ جانە بۇقتىرۋ.

تاماق قاتتى ىستىق نەمەسە قاتتى سۋىق بولماۋى كەرەك. تاماق ءدامدى، ءبىراق دامدەۋىشتەر مەن تۇز از مولشەردە بولعانى ءجون. اس قورىتۋدى جاقسارتاتىن ازىق- تۇلىكتەر ەگەر ازىق- تۇلىكپەن ەمدەلۋگە كەلسەك، ەڭ تانىمال قۇرالعا بال جاتادى. ونى حالىق مەديتسيناسىندا «اسقازاننىڭ ەڭ جاقىن دوسى» دەپ اتايدى. ونىڭ قۇرامىنداعى تەمىر مەن مارگانەتستىڭ ارقاسىندا اس قورىتۋ جىلدامدايدى. سوندىقتان ءىش قاتۋ كەزىندە ءجيى بال جەۋدى جازىپ بەرەدى.

سۋعا بال سالىپ، 2-اي بويى ءىشۋ جوعارى قىشقىلدى گاستريتتى جەڭىلدەتۋگە كومەكتەسەدى. ول ءۇشىن 1 اس قاسىق بالدى ءبىر ستاقان سۋعا ارالاستىرىپ، تاماقتانۋعا دەيىن 2 ساعات بۇرىن ءىشۋ كەرەك. ونى كۇنىنە 2-3 رەت قايتالاعان ءجون. گرەك جاڭعاعى مەن بالدىڭ قوسپاسى اسقازان مەن باۋىردىڭ جۇمىسىن جاقسارتادى. قوسپانى كۇنىنە 3-4 رەت جەۋ كەرەك.

بال مەن اسقاباقتىڭ قوسپاسى اس قورىتۋدى جاقسارتىپ، ءىش قاتۋدى كەتىرەدى. اس قورىتۋعا پايدالى ازىق- تۇلىككە قىزىلشا جاتادى. ول شيكىلەي دە، پىسكەن تۇرىندە دە پايدالى. ونى كۇندە اش قارىنعا 100-150 گ- نان جەۋ كەرەك.

سول سەكىلدى الما دا اسقازانعا پايدالى، ول ءۇشىن ونى كۇنىنە ەكەۋدەن جەۋ كەرەك. المانى دا تاڭەرتەڭ اش قارىنعا جەگەن ءجون.

ءىش ءوتۋ كەزىندە كۇرىشتىڭ نەمەسە كەپكەن المۇرتتىڭ قايناتپاسى كومەكتەسەدى. ءىش قاتۋ كەزىندە پياز تۇنباسى جاقسى كومەكتەسەدى.

ول ءۇشىن پيازدى ۇساقتاپ تۋراپ، ونىمەن 0,5 ل بوتەلكەنى 2/3 بولاتىنداي ەتىپ تولتىرۋ كەرەك. سودان سوڭ بوتەلكەنى اراقپەن تولتىرىڭىز. ول 10 كۇندەي تۇرۋ كەرەك. پياز تۇنباسىن تۇسكى اس الدىندا 10 تامشىدان ءىشىپ تۇرۋ كەرەك.

Massaget.kz