التىن ادام الەمنىڭ ايگىلى مۋزەيلەرىندە كورسەتىلەتىن بولادى
«التىن ادام» كورمەسى وتكەن جىلى جەلتوقسان ايىندا بەلارۋس استاناسى مينسكىدە العاش ۇيىمداستىرىلىپ، ءبىر جىل ىشىندە ماسكەۋ، باكۋ، سەۋل، گدانسك (پولشا) جانە قىتايدىڭ شيان قالاسىندا ءوتتى.
ونداعى ماقسات- ەجەلگى تەمىر داۋىرىندەگى قۇندى دۇنيەلەردى كورسەتە وتىرىپ، شەتەلدىكتەردى دالالىق وركەنيەتپەن تانىستىرۋ. كورمەنىڭ باسى جادىگەرى ارينە «التىن ادام»، ودان بولەك سول زاماننىڭ كۋاسى بولاتىن ارحەولوگيالىق بۇيىمدار قويىلدى.
كورمە شەتەلدىكتەردىڭ ەرەكشە قىزىعۋشىلىعىن تۋعىزدى، مىسالى قىتايدىڭ شانشي پروۆينسياسىنداعى تاريحي مۋزەيگە بارلىق سانى 370 جادىگەر قويىلىپ، ونى تاماشالاۋعا 170 مىڭنان استام ادام كەلدى»، - دەدى ق ر ۇلتتىق مۋزەيى ديرەكتورىنىڭ ورىنباسارى اباي ساتىبالدين.
ونىڭ ايتۋىنشا، الداعى جىلدارى اتالعان جوبا ءوز جالعاسىن تاۋىپ، «التىن ادام» الەمنىڭ تانىمال مۋزەيلەرىنە قويىلاتىن بولادى.
«الداعى جىلى اتالعان كورمە وزبەكستان، تاتارستان جانە جاپونيا ەلدەرىنىڭ ۇلتتىق مۋزەيلەرىنە قويىلادى. ال 2020 -جىلى ەۋروپانىڭ فرانتسيا، گەرمانيا، يتاليا جانە گوللانديانىڭ ماڭدايالدى مۋزەيلەرىنە، سونداي- اق، ا ق ش- قا اپارۋ جوسپارلانۋدا. سونىمەن قاتار، الداعى ۋاقىتتا كورمە جادىگەرلەرىنىڭ سانى ارتىپ، وندا قويىلاتىن بۇيىمداردىڭ ەرەكشەلىگىنە ءمان بەرىلەدى»، - دەدى ول.
بۇعان دەيىن حابارلاعانىمىزداي، «التىن ادامنىڭ الەم مۋزەيلەرىنە شەرۋى» حالىقارالىق كورمەسى بيىل الەمنىڭ 6 ەلىندە بولىپ، ونى 200 مىڭ استام شەتەلدىك كورەرمەن تاماشالادى.
