تۇماۋدىڭ كىمدەر ءۇشىن ەرەكشە قاۋىپتى ەكەنى انىقتالدى

استانا. قازاقپارات - تۇماۋ جانە ونىڭ سالدارى اسىرەسە جۇكتى ايەلدەر مەن اسا سەمىزدىكتەن زارداپ شەگەتىندەر ءۇشىن ايرىقشا قاۋىپتى.

Clinical Infectious Diseases جۋرنالىنا ماقالا جاريالاعان عالىمدار وسىنداي پىكىردى العا تارتىپ وتىر، دەپ حابارلايدى قازاقپارات.

«ماۋسىمدىق ەكپەلەر ادەتتە كوپشىلىككە كومەكتەسەدى، ءبىراق سونىڭ ءوزى ۆيرۋستان تولىق قورعاۋعا كەپىلدىك بەرە المايدى. قاۋىپ-قاتەر توبىنا كىرەتىن ادامدار وسى اۋرۋدىڭ العاشقى بەلگىلەرى بىلىنگەننەن-اق دارىگەرگە قارانعانى ابزال»، - دەيدى ا ق ش ۆاكسيناتسيا جانە رەسپيراتورلىق اۋرۋلار ورتالىعىنىڭ باس دارىگەرى تيموتي ۋيەكي (Timothy Uyeki).

ۆيرۋستىڭ ا، ۆ جانە س سياقتى تۇرلەرىنىڭ بولۋى ونىمەن كۇرەسۋدى قيىنداتىپ وتىر. اۋرۋدىڭ ءدال قاي ءتۇرى بەلەڭ الاتىنىن كۇنى بۇرىننان بولجاۋ وتە قيىن. ءدارى ەگۋدىڭ ءوزى شتامداردىڭ بارلىعىنا بىردەي يممۋنيتەت قالىپتاستىرمايدى.

د د س ۇ دەرەكتەرىنە سۇيەنسەك، بىلتىردىڭ وزىندە وسى جۇقپالى دەرتتەن جانە ونىڭ سالدارىنان 650 مىڭنان استام ادام قايتىس بولعان.

ايتا كەتەيىك، بۇل كورسەتكىش 2005 -جىلعىدان شامامەن ءۇش ەسە كوپ.