قازاقستاننىڭ تاۋەلسىزدىگى باشقۇرتستان استاناسىندا اتالىپ ءوتتى
ۋ م م ت ۋ- دە قازاقستاننان كوپتەگەن جاستار ءبىلىم الىپ جاتىر. ولار وزدەرىنىڭ سالت- داستۇرلەرى مەن ادەپ- عۇرىپتارىن قاتاڭ ۇستانادى. جىل سايىن ۋنيۆەرسيتەتتە قازاق ستۋدەنتتەرى وزدەرىنىڭ باستى ۇلتتىق مەرەكەسى- تاۋەلسىزدىك كۇنىن اتاپ وتەدى. وعان ۋنيۆەرسيتەتتىڭ بارلىق ستۋدەنتتەرى جينالادى.
وسى جولى مەرەكەگە وراي بەزەندىرىلگەن فويەدە قوناقتاردى ۇلتتىق كيىم كيگەن قازاق ستۋدەنتتەرى كۇتىپ الدى. وسى جەردە ادەمى ەتىپ بەزەندرىلگەن ەكسپوزيتسيا ۇيىمداستىرىلدى. وندا قازاقستاننىڭ قولدانبالى جانە ساندىك ونەرىمەن تانىسۋعا بولاتىن ەدى. مۇندا ستۋدەنتتەر وزدەرىنىڭ اسپازدىق قاسيەتتەرىن دە پاش ەتىپ، قازاقتىڭ ۇلتىق تاعامدارىن دايىندادى.
«ءبىزدىڭ ۋنيۆەرسيتەتىمىزدە جاقسى ءداستۇر قالىپتاستى. ءبىز جىل سايىن جەلتوقسان ايىندا قازاقستان رەسپۋبليكاسىنىڭ تاۋەلسىزدىك كۇنىن اتاپ وتەمىز. قازاقستاندىق ستۋدەنتەر جىل سايىن جاڭا دۇنيەلەردى ويلاپ تاۋىپ، بۇل مەرەكەنى وتە كەرەمەت ەتىپ وتكىزەتىن بولدى»، دەگەن لەبىزبەن حالىقارالىق ىنتىماقتاستىق باسقارماسىنىڭ باستىعى نايل چانىشەۆ مەرەكەنىڭ اشىلۋىن جاسادى.
مەرەكەلىك باعدارلامانىڭ اشىلۋىنىڭ الدىندا شاعىن فۋتبولدان ۋنيۆەرسيتەتتە وتكەن «قازاقستان رەسپۋبليكاسىنىڭ تاۋەلسىزدىك كۇنى كۋبوگىنىڭ» جۇلدەگەرلەرى ماراپاتتالدى. ماراپاتتاۋ راسىمىنەن سوڭ كونتسەرت باستالىپ، وندا قازاقستاندىق ستۋدەنتتەردىڭ مەرەكەگە ارنايى دايىنداعان اندەرى شىرقالىپ، ءبي بيلەندى. سونداي-اق ستۋدەنتتەر قازاقتىڭ مۋزىكالىق اسپاپتارىندا نەشە ءتۇرلى تۋىندىلاردى ورىندادى. ستۋدەنتتەر سونىمەن قاتار مەرەكەدە «بالقاش تۋرالى اڭىز» اتتى سپەكتاكلدى سومدادى.
