قانشا ۋاقىت ۇيىقتاۋ كەرەك؟

 استانا. قازاقپارات - تاۋلىگىنە قانشا ساعات ۇيىقتاۋ كەرەك؟ ەرەسەك ادامدارعا تاۋلىگىنە 8 ساعات ۇيقى قاجەت.

كوپشىلىكتەرىمىزگە ءۇش 8 تۋرالى ەرەجە سەكىلدى بەلگىلى؛ 8 ساعات جۇمىس ءۇشىن، 8 ساعات دەمالىس، 8 ساعات ۇيقى ءۇشىن.

شىنىمەنەن كوپشىلىك ادامدار 8 ساعاتتىق ۇيقىعا ادەتتەنگەن. ەرەكشەلىكتەرى دە بار. مىسالىعا؛ ناپولەون 5 ساعاتتىق ۇيقىنى ءجون ساناعان، ەينشتەين بولسا 12 ساعات ۇيىقتايتىن بولعان، لەوناردو دا ۆينچي 4 ساعات سايىن 15 مينۋتتان ۇيىقتاعان ەكەن. تاۋلىگىنە 1,5 ساعات ۇيقىنى قاناعات تۇتقان.

نەگىزىندە ۇيقىنىڭ جەتىسپەۋشىلىگى اعزانىڭ قورعانىس كۇشىن ازايتىپ، جۇيكە جۇيەسىنىڭ جۇمىسىن بۇزىپ، اشۋلانشاقتىق، زەيىنسىزدىك، ەستە ساقتاۋ قابىلەتى ناشارلايدى. ۇيقى قانباۋى گيپەرتونيانى، ديابەتتىڭ 2 ءتۇرىن، ۇيقىسىزدىقتى، مەڭىرەۋ جاعدايدى، ارتىق سالماق قوسۋدى تۋدىرادى.

تىم كوپ ۇيىقتاۋدا زيان. زەرتتەۋلەرگە قاراعاندا، كۇنىنە 7 ساعاتتان ارتىق ۇيىقتايتىندار ەرتە قايتىس بولاتىن ادامدار ساناتىنا كىرەدى دەيدى.

ۇيقى قانباۋ نەمەسە تىم كوپ ۇيىقتاۋ سۋيتسيدتىك بەيىمدەردىڭ پايدا بولۋىنا اكەلەدى. ءوزىن ولىمگە جىعاتىندار كوپشىلىگى ۇيقىعا قاتىستى پروبلەماعا شالدىققاندار بولادى دەيدى زەرتتەۋشىلەر.

كوپتەگەن زەرتتەۋشىلەر ءوز اعزالارىڭىزدىڭ تالابىنا قۇلاق اسۋى كەرەك دەيدى. 5 ساعاتتىق ۇيقى بارىسىندا سەرگەك سەزىنسەڭىزدەر، وندا 5 ساعات قانا ۇيىقتاساڭىزدار بولادى، كەرىسىنشە دە سولاي. ءسىزدىڭ اعزاڭىز وسىنداي ۇزاقتىلىقتى تالاپ ەتەدى دەگەن ءسوز.