ماجارستان قازاقستان ستۋدەنتتەرى ءۇشىن ءبىلىم گرانتى سانىن كوبەيتتى
«ەكى ەل اراسىنداعى دوستىق قارىم-قاتىناس جىل ساناپ ارتىپ كەلەدى، بۇل قۋانتارلىق جاعداي. وسى تۇرعىدا بىزدەردى بايلانىستىراتىن ىنتىماقتاستىق سالالاردىڭ ءبىرى ول - ءبىلىم. وتكەن جىلى ماجارستاندا وقىعىسى كەلەتىن قازاقستاندىق ستۋدەنتتەر ءۇشىن ءبىلىم گرانتىنىڭ سانى 40 بولعان، بيىل ونىڭ سانى 200 گە جەتتى. الداعى جىلى Stipendium Hungaricum باعدارلاماسى اياسىندا ماجارستاندا وقيمىن دەۋشى ستۋدەنتتەر ءۇشىن 250 ءبىلىم بەرۋ گرانتى ءبولىندى»، - دەدى ماجارستاننىڭ ەلىمىزدەگى توتەنشە جانە وكىلەتتى ەلشىسى اندراش باراني و ك ق- دە وتكەن باسپا ءسوز ءماسليحاتىندا.
ونىڭ ايتۋىنشا، ماجار ەلىنىڭ گرانتتار سانىن كوبەيتۋىنە سەبەپ، بيىل بولىنگەن 200 ءبىلىم بەرۋ گرانتىنا 1 مىڭنان استام وتانداسىمىز ءوتىنىم بىلدىرگەن. ماجارستانعا الداعى وقۋ جىلىنا گرانتقا ۇمىتكەرلەردىڭ ءوتىنىمى 2019-جىلدىڭ 15- قاڭتارىنا دەيىن قابىلدانادى.
سونداي-اق، ەلشى ۇستىمىزدەگى جىلدىڭ تامىز ايىندا ماجارستاندا «تۇران» تۇركى حالىقتارىنىڭ دۇنيەجۇزىلىك قۇرىلتايى وتكەنىن ايتا كەلە، وندا قۇرىلتايدى ۇيىمداستىرۋداعى قازاقستاننىڭ قوسقان ۇلەسى ءۇشىن العىسىن ءبىلدىردى.
سونىمەن قاتار، ەلشى مىرزا ەكى ەل اراسىنداعى تاۋار اينالىمىنىڭ ۇستىمىزدەگى جىلدىڭ 9 ايىندا وتكەن جىلمەن سالىستىرعاندا (2017 -جىلى 350 ميلليون ا ق ش دوللارى) %22 ارتىپ، جىل سوڭىنا دەيىن 700 ميلليون ا ق ش دوللارىنا جەتەتىنىن ايتىپ ءوتتى.
ودان بولەك، ا. بارانيدىڭ ايتۋىنشا قازاقستان نارىعىنداعى ماجارستاننىڭ Wizz Air اۋەكومپانياسى ناتيجەلى جۇمىس ىستەۋدە، اتالعان اۋە كومپانياسىنىڭ قىزمەتىن ءبىر جىلدىڭ ىشىندە 40 مىڭنان استام جولاۋشى پايدالانعان جانە ۇشۋ رەيسى %98 كەستەگە سايكەس قىزمەت كورسەتكەن.
