انكارادا جۇردەك پويىز جەراستى وتكەلىنە سوقتىعىستى

انكارا. قازاقپارات - بۇگىن انكارا-كونيا جولاۋشىلار جۇردەك پويىزى ەنيماحاللە اۋدانىندا مارشانديز ستانساسىندا جەراستى جاياۋ وتپە جولىنا سوقتىعىستى، دەپ حابارلايدى قازاقپارات «انادولۋ» اگەنتتىگىنە سىلتەمە جاساپ.

سوقتىعىسۋ سالدارىنان ەكى ۆاگون رەلستەن شىعىپ، اۋدارىلىپ، جەراستى وتكەلىنىڭ ءبىر بولىگى ۆاگوننىڭ ۇستىنە وپىرىلىپ ءتۇستى.

كوپتەگەن ادامداردىڭ جاراقات العانى حابارلاندى. ولار جاقىن جەردەگى اۋرۋحاناعا جەتكىزىلدى. اپاتتىڭ ءمان-جايى تەكسەرىلىپ جاتىر.