قازاقستان ب ۇ ۇ ادام قۇقىقتارى جونىندەگى كەڭەستىڭ مۇشەلىگىنە ءوتىنىش ءبىلدىردى
باسقوسۋدا ق ر سىرتقى ىستەر ءمينيسترى قايرات ءابدىراحمانوۆ شەتەل ديپلوماتتارىن قازاقستاننىڭ تاعى ءبىر باستاماسىن قولداۋعا ۇندەدى، دەپ حابارلايدى قازاقپارات ءتىلشىسى.
«بۇگىن مەن وسى جەردە وتىرعان بارلىق ديپلوماتتارعا حابارلاندىرۋ جاسايىن دەپ ەدىم. قازاقستان 2022 -جىلعا ب ۇ ۇ ادام قۇقىقتارى جونىندەگى كەڭەستىڭ مۇشەلىگىنە ءوز ءوتىنىشىن ءبىلدىردى. 2013-2015 -جىلدارى ءبىز اتالعان قۇرىلىمنىڭ مۇشەلىگىن اتقارىپ شىققان بولاتىنبىز. ەندى، وسى ماڭىزدى جۇمىستى ارى قاراي جالعاستىرۋدى كوزدەيمىز. وسىعان وراي، سىزدەردى قازاقستاننىڭ كانديداتۋراسىن قولدايدى دەگەن ۇمىتتەمىز»، - دەدى ق. ءابدىراحمانوۆ استاناداعى دوڭگەلەك ۇستەلدە.
مينيستر بۇگىنگى جيىننىڭ ماڭىزدىلىعىن دا ەرەكشە اتاپ ءوتتى. ونىڭ ايتۋىنشا، ب ۇ ۇ باس اسسامبلەياسىنىڭ ادام قۇقىقتارى جونىندەگى جالپىعا بىردەي دەكلاراتسياسى II دۇنيەجۇزىلىك سوعىستان كەيىن ازىرلەنگەن بولاتىن. دەكلاراتسيا اۆتورلارى ادام قۇقىقتارىن قورعاۋدىڭ جاھاندىق جۇيەسىن قۇرۋدى كوزدەدى.
«بۇل دەكلاراتسيا ادام قۇقىقتارىن قورعاۋ سالاسىنداعى ونداعان حالىقارالىق قۇجاتتاردىڭ قابىلداۋىنا ىقپال ەتتى. سونىمەن قاتار، دەكلاراتسيا ءوزىنىڭ وزەكتىلىگىن جوعالتپاي، وسى كۇنگە دەيىن بۇكىل الەمدىك قاۋىمداستىق ءۇشىن ادام قۇقىقتارىن جالپىعا بىردەي نۇسقاۋلىعى بولىپ تابىلادى. اتالعان قۇجات 500-دەن استام تىلگە جانە ديالەكتىگە اۋدارىلعان. الەمگە كوپ تاراعان قۇجات بولىپ سانالادى»، - دەپ اتاپ كورسەتتى ق. ءابدىراحمانوۆ.
ايتا كەتەيىك، باسقوسۋعا ق ر مەملەكەتتىك حاتشىسى گۇلشارا ءابدىقالىقوۆا دا قاتىستى. ال ق ر جوعارعى سوت ءتوراعاسى جاقىپ اسانوۆ سۋديا قىزمەتىنە كاسىبي زاڭگەرلەردى كوپتەپ تارتۋعا مۇددەلى ەكەنىن ايتتى.
