مۇعالىمدەرگە ارنالعان ارزان ۇيالى بايلانىس تاريفى ەنگىزىلەدى

 استانا. قازاقپارات - مۇعالىمدەرگە ارنالعان ارزان ۇيالى بايلانىس تاريفى ەنگىزىلەدى. بۇل تۋرالى بۇگىن تاريفتەردى تومەندەتۋ ماسەلەسى قارالعان دوڭگەلەك ۇستەل وتىرىسىندا ق ر اقپارات جانە كوممۋنيكاتسيالار ۆيتسە- ءمينيسترى دارىن تۇياقوۆ ايتتى، دەپ حابارلايدى قازاقپارات ءتىلشىسى.

«ۇيالى بايلانىس وپەراتورلارىنا دا ساراپتاما جۇرگىزىلدى. «كار- تەل» كومپانياسى تاريفتىك جوسپارلاردىڭ جاڭا جەلىسىن ۇسىنۋ تۋرالى باستاما جاسادى. اتالعان تاريفتە «الەۋمەتتىك» ، «الەۋمەتتىك پليۋس» جانە مۇعالىمدەرگە ارنالعان تاريفتىك جوسپارلار بار. بۇل تاريفتەرگە سايكەس بايلانىس قۇنى 50 پايىزعا تومەندەيدى. ەگەر دە وسى ۋاقىتقا دەيىن ونىڭ قۇنى 1300 تەڭگە بولسا، ەندىگى ۋاقىتتا 590 تەڭگە بولادى» ، - دەدى دارىن تۇياقوۆ.

ۆيتسە- ءمينيستردىڭ دەرەگىنشە، Kcell كومپانياسى دا ءوز ابونەنتتەرى ءۇشىن «كومفورت XS+» دەپ اتالاتىن جاڭا تاريفتىك جوسپار ۇسىنباق.

«ولار دا ءتاريفتى 50 پايىزعا تومەندەتەتىن بولادى. اي سايىنعى ابونەنتتىك تولەم بۇعان دەيىنگى 2590 تەڭگەنىڭ ورنىنا 1390 تەڭگەنى قۇرايدى» ، - دەدى ول.

ونىڭ ايتۋىنشا، «Altel» مەن «تەلە2» كومپانيالارى تاراپىنان تاريفتەردى تومەندەتۋگە قاتىستى ازىرشە ەش اقپارات جوق. دەگەنمەن، مينيسترلىك ولاردان تاياۋ ۋاقىتتا ۇسىنىس تۇسەدى دەپ كۇتىپ وتىر.

 بۇعان دەيىن قازاقستاندىق بايلانىس وپەراتورلارى، سونىڭ ىشىندە «قازاقتەلەكوم» ، «قازترانسكوم» جانە «ترانستەلەكوم» كومپانيالارى تاريفتەردى تومەندەتۋدى جوسپارلاپ وتىرعانىن جازعان بولاتىنبىز.

سونداي- اق بۇگىنگى دوڭگەلەك ۇستەل وتىرىسىندا ءمالىم بولعانداي، جىل سوڭىنا دەيىن تاعى 15 مونوپوليست جىلۋ، سۋ، ەلەكتر ەنەرگياسى جانە گازعا تاريفتەردى ارزانداتادى.