قازاقستاندا ۇيالى بايلانىس ارزاندايدى

 استانا. قازاقپارات - قازاقستاندىق بايلانىس وپەراتورلارى تاريفتەرىن تومەندەتپەك. بۇل تۋرالى بۇگىن تاريفتەردى ارزانداتۋ ماسەلەسى قارالعان دوڭگەلەك ۇستەل وتىرىسىندا ق ر اقپارات جانە كوممۋنيكاتسيالار ۆيتسە- ءمينيسترى دارىن تۇياقوۆ ايتتى، دەپ حابارلايدى قازاقپارات ءتىلشىسى.

«2018 -جىلدىڭ 23 - قاراشاسىندا مينيسترلىكتە ۇلكەن كەڭەس وتكىزىپ، وعان بارلىق وپەراتورلاردى شاقىردىق. بايلانىس وپەراتورلارى وزدەرى باستاما كوتەردى. ياعني، الەۋمەتتىك تاريف جاساۋعا مۇمكىنشىلىك بار» ، - دەدى ول.

ونىڭ ايتۋىنشا، «قازاقتەلەكوم» 2019 -جىلدىڭ 1 - قاڭتارىنان باستاپ اتالعان الەۋمەتتىك ءتاريفتى ەنگىزۋدى جوسپارلاۋدا. ونى قۇنى 3499 تەڭگەنى قۇراپ، باستاپقى تاريفتەن 5 پايىزعا ارزان بولاتىن. اتالعان توپتاماعا جىلدامدىعى سەكۋندىنا 10 ءمبيتتى قۇرايتىن ينتەرنەت جانە قازاقستان بويىنشا ءليميتسىز قوڭىراۋ شالۋ كىرەدى. ال «قازترانسكوم» العاش رەت بايلانىسقا قوسىلاتىن ابونەنتتەرگە 50، ال ابونەنتتىك تولەمگە 10 پايىز جەڭىلدىك جاساماق. سونىمەن قاتار ينتەرنەتكە ارنالعان تولەم قۇنىن دا 15 پايىزعا ارزانداتۋدى جوسپارلاپ وتىر.

«ترانستەلەكوم» كومپانياسى ەكىنشى دۇنيەجۇزىلىك سوعىس ارداگەرلەرىنە 5 پايىز جەڭىلدىك جاساۋدى ۇسىندى. جالپى، اتالعان وپەراتوردىڭ ءتاريفى وتە تومەن. اۋىل تۇرعىندارىنا 529, ال قالالىقتارعا 797 تەڭگەنى قۇرايدى»، - دەيدى دارىن تۇياقوۆ.