الماتى ماڭىندا كۇن جانە جەل ەلەكتر ستانسالارى ىسكە قوسىلدى

الماتى. قازاقپارات - قازاقستاننىڭ ەنەرگەتيكالىق كەشەنى قايتا جاڭارتىلاتىن ەنەرگيا كوزىنىڭ ەكى وبەكتىسىمەن تولىقتى، دەپ حابارلايدى قازاقپارات «سامۇرىق-ەنەرگو» ا ق باسپا ءسوز قىزمەتىنە سىلتەمە جاساپ.

الماتىدا قۋاتتىلىعى 1 МВт بولاتىن كۇن ەلەكتر ستانساسى جانە قۋاتى 5 МВт بولاتىن جەل ەلەكتر ستانساسى ىسكە قوسىلدى. قوس كەشەندى پايدالانۋعا بەرۋ ءراسىمى «يننوۆاتسيالىق تەحنولوگيالار پاركى» ارنايى ەكونوميكالىق ايماعىندا ءوتتى.

جەل ەلەكتر ستانساسى الماتى وبلىسى ەڭبەكشىقازاق اۋدانى نۇرلى اۋىلىنىڭ ماڭىندا ورنالاسقان.

72 ساعاتتىق كەشەندى سىناق پەن بايقاۋ ناتيجەسىندە كۇن جانە ەلەكتر ستانسالارىنىڭ پايدالانۋعا تولىق دايىن ەكەنى بەلگىلى بولدى.

بيىل «سامۇرىق-ەنەرگو» كومپانياسى قايتا جاڭارتىلاتىن ەنەرگيا كوزدەرى بويىنشا 2 جوبانى ىسكە اسىردى: ءبىرىنشىسى - قاپشاعاي قالاسىنداعى كۇن ەلەكتر ستانساسى، ەكىنشىسى - ەرەيمەنتاۋ قالاسىنداعى جەل ەلەكتر ستانساسى. بيىلعى 10 ايدىڭ وزىندە اتالعان قوس وبەكتىدە 134,4 ميلليون МВт ەلەكتر قۋاتى وندىرىلگەن.