دەمالىس كۇندەرى ەلوردالىقتار قايدا بارسا بولادى
1 - جەلتوقساندا «استانا- ارەنا» ستاديونىندا تۇڭعىش پرەزيدەنت كۇنىنە وراي بالالار مەن جاستار اراسىندا بوكس تۋرنيرى باستالادى. سپورتتىق ءىس- شارانىڭ باستالۋ ۋاقىتى: ساعات 10:00-دە.
ال 2 - جەلتوقساندا ساعات 10:00-دەن باستاپ ەلوردا تۇرعىندارى مەن قوناقتارى «قازاق ەلى جانە ەلباسى» كورمەسىن تاماشالاي الادى. ساكەن سەيفۋللين مۇراجايىندا ۇيىمداستىرىلعان كورمە 5 - جەلتوقسانعا دەيىن جۇمىس ىستەيدى. سەنبى جانە جەكسەنبى، 2-3 - جەلتوقساندا جاسوسپىرىمدەر كوماندالارى اراسىندا شايبالى حوككەيدەن رەسپۋبليكالىق چەمپيونات وتەدى.
ويىننىڭ باستالۋى ساعات 12:00-دە. 3 - جەلتوقساندا قالالىقتار ءۇشىن تاۋەلسىزدىك سارايىندا ءتۇرلى كورمەلەر ۇيىمداستىرىلادى. مۇندا تانىمال سۋرەتشىلەردىڭ، زاماناۋي ونەر شەبەرلەرىنىڭ تۋىندىلارىن كورۋگە بولادى.
«اقانوۆتار اۋلەتى»، «استانا - جاستار بولاشاعى»، «كەڭىستىكتەگى قوزعالىس»، «ءتۇس الەمى»، «ءۇمىت جولى» كورمەلەرى جۇمىسىن ساعات 10:00-دە باستايدى. كورمە جەلتوقسان ايىنىڭ سوڭىنا دەيىن جۇمىس ىستەيدى. سول كۇنى ساعات 17:00-دە «بارىس ارەنا» ستاديونىندا وتەتىن ق ح ل چەمپيوناتى اياسىندا «بارىس» پەن «مەتاللۋرگ م گ» كوماندالارى كەزدەسەدى.
مەرەكەلىك دەمالىس كۇندەرى يتالياندىق جۇلدىزداردىڭ «سان- رەمو» كونسەرتتىك باعدارلاماسىمەن اياقتالادى. كونسەرت «جاستار» سارايىندا وتەدى. باستالۋى: ساعات 19:00-دە.