قىزىلوردادا قوبىز كۇنى اتاپ ءوتىلۋى مۇمكىن
اكىم بۇل ۇسىنىستىڭ ۇكىمەتكە جولدانعانىن ايتتى. ول شىعىس كۇنتىزبەسى بويىنشا ناۋرىز ايىنىڭ 14- كۇنىنە بەلگىلەنگەن.
«قورقىت اتا» مۇراسى يۋنەسكو- نىڭ ماتەريالدىق ەمەس مۇرالارى تىزىمىنە ەنگىزىلگەنى بارشامىزدى قۋانتادى. ول - تۇركى حالىقتارىنىڭ ورتاق قۋانىشى. اتاپ كەتەرلىگى، اتالمىش ۇسىنىس 2014 -جىلى قۇرىلعان قىزىلوردا وبلىسىنىڭ تاريحي- مادەني مۇارالارىن قورعاۋ جانە پايدالانۋ جونىندەگى عىلىمي- ادىستەمەلىك كەڭەستىڭ وتىرىسىندا قارالعان ەدى. سودان بەرى قورقىت اتا مۇرالارى جونىندە ءتيىستى ماتەريالدار جيناقتالدى»، - دەدى قىرىمبەك كوشەربايەۆ وبلىستىڭ تاريحي- مادەني مۇرالارىن قورعاۋ جانە پايدالانۋ جونىندەگى عىلىمي- ادىستەمەلىك كەڭەستىڭ وتىرىسىندا.
ەلىمىزدە قورقىت اتا مۇرالارىن ناسيحاتتاۋ كەڭىنەن قانات جايىپ كەلەدى. كەيىنگى جىلداردا ءداستۇرلى تۇردە وتكىزىلىپ كەلە جاتقان «قورقىت جانە ۇلى دالا سازى» حالىقارالىق ونەر فەستيۆالى اۋقىمىن كەڭەيتتى. بيىل العاش رەت قوبىزشىلار مەن قوبىزبەن سۇيەمەلدەپ جىر ايتۋشىلاردىڭ بايقاۋى حالىقارالىق دەڭگەيدە ۇيىمداستىرىلدى.
وتىرىس بارىسىندا سوڭعى جىلداردا سىر وڭىرىندە تاريحي جانە مادەني مۇرالاردى ساقتاۋ جانە زەرتتەۋ باعىتىندا اتقارىلىپ جاتقان جۇمىستار بارىسى ساراپتالدى. الداعى مىندەتتەر مەن جوسپارلار بارىسى ناقتىلاندى. وتىرىسقا قاتىسقان ەلىمىزگە بەلگىلى عالىمدار بۇل جونىندە ءوز ۇسىنىس- پىكىرلەرىن جەتكىزدى.
ەستەرىڭىزگە سالا كەتەلىك، بۇدان بۇرىن قىزىلوردا وبلىسىندا قىزىلوردادا بالالارعا ارنالعان ارحەولوگيالىق لاگەر اشۋ جوسپارلانىپ وتىرعانى حابارلاندى. سونداي- اق، بيىل سىر وڭىرىندەگى سىعاناق قالاشىعىن ەتونوتۋريزم ورتالىعىنا اينالدىرۋ جۇمىستارى جۇرگىزىلدى. بيىلعى قازان ايىنىڭ سوڭىندا سىعاناق قالاشىعى تۋريستىك نىسان رەتىندە اشىلدى.
اۆتور: ءادىلجان ۇمبەت