اقتوبەدە جىرشىلار بايقاۋى ءوتتى

  استانا. قازاقپارات - اقتوبەدە «تاۋەلسىزدىك - جىر- ءانىم» رەسپۋبليكالىق شىعارماشىلىق فەستيۆالى ءوتتى.

فەستيۆال اياسىندا «تازا، ءمىنسىز اسىل ءسوز...» شەشەندىك ونەر بايقاۋى، «كومەيدەن جىر اعىلسىن...» جىرشىلار بايقاۋى، «تاۋەلسىزدىك تارتۋى» بالا اقىندار ءمۇشايراسى ۇيىمداستىرىلدى. بۇل تۋرالى aktobenews.kz سايتى حابارلايدى.

اقتوبە وبلىسىنىڭ تىلدەردى دامىتۋ باسقارماسى «تاۋەلسىزدىك - جىر- ءانىم» رەسپۋبليكالىق شىعارماشىلىق فەستيۆالى ۇيىمداستىردى. ەلباسىنىڭ «رۋحاني جاڭعىرۋ» باعدارلاماسى اياسىندا «تاربيە جانە ءبىلىم» كىشى باعدارلاماسى، «وتانىم- تاعدىرىم» بازالىق باعىتى قامتىلدى. فەستيۆالعا اقتوبە وبلىسىنان باسقا شقو، بقو، اتىراۋ، اقمولا، الماتى، قىزىلوردا، ماڭعىستاۋ، قاراعاندى، پاۆلودار وبلىستارى جانە استانا، الماتى قالالارىنان 34 وقۋشى قاتىستى.

«تازا، ءمىنسىز اسىل ءسوز...» شەشەندىك ونەر بايقاۋى بويىنشا باس جۇلدەنى باتىس قازاقستان وبلىسىنان قاتىسقان اقگۇلىم ەربولوۆا جەڭىپ الدى. «كومەيدەن جىر اعىلسىن...» اتتى جىرشىلار بايقاۋىندا استانا قالاسىنان ايبەك تەمىرجان ۇلى، «تاۋەلسىزدىك تارتۋى» اتتى بالا اقىنداردىڭ ءمۇشايراسى بويىنشا اقتوبە قالاسىنان ارايلىم ورازاليناباس جۇلدەنى يەلەندى. بايقاۋ كەزىندە باس جۇلدە يەلەرىنە 150 مىڭ تەڭگە قارجىلاي سىيلىق بەرىلدى. ال 1 - ورىنعا 100 مىڭ، 2 ورىنعا 70 مىڭ، 3 ورىنعا 50 مىڭ تەڭگە تارتۋ ەتىلدى. وزگە قاتىسۋشىلار 20 مىڭ تەڭگە سىياقى جانە العىس حاتتارمەن ماراپاتتالدى.

Baq.kz