اتا-اناعا اڭداتپا
2. بالاڭىزعا ۇرىسقاندا «سەن ۇنەمى وسىندايسىڭ»، «نەگە ۇنەمى سولاي ىستەيسىڭ» دەگەن تىركەستەردى قولدانباڭىز. ءسىزدىڭ بالاڭىزداي جاقسى بالا جوق، تەك بۇگىن عانا ءبىر قاتەلىك جاساپ قويدى. بالاڭىزعا بۇل تۋرالى ايتۋدى ۇمىتپاڭىز.
3. بالاڭىزبەن رەنجىسكەن كۇيدە كەتىپ قالماڭىز، الدىمەن ونىمەن تاتۋلاسىپ، سودان كەيىن عانا ءوز ىستەرىڭىزبەن شىعا بەرۋىڭىزگە بولادى.
4. ادەتتە بالا مەكتەپتەن كەلگەندە «سەنەن ساباق سۇرادى ما؟»، «بۇگىن قانداي باعا الدىڭ؟» دەپ سۇراپ جاتادى. ودان دا بالاڭىزدان «بۇگىن قانداي قىزىقتار بولدى؟» دەپ سۇراڭىز.
5. بالاڭىزدىڭ وزدەرىڭىز تۇراتىن ءۇيدىڭ ءتورت قابىرعاسىنا ەمەس، وسى ءۇيدىڭ ءوزىن جاقىن تارتۋىنا كوڭىل ءبولىڭىز، ۇيگە كەلگەندە «ءوز ءۇيىڭ قانداي جاقسى»، «ءوز ءۇيىم ولەڭ توسەگىم» دەپ ايتىپ قويۋدى ۇمىتپاڭىز.
6. بالاڭىزعا «وتىرىك ايتپا» دەگەننەن كورى «الداما» دەپ ايتقانىڭىز دۇرىس. ودان دا جىميىپ قانا «بىرەۋدىڭ جالعان سويلەگىسى كەلىپ تۇرعان سياقتى» دەگەنىڭىز ءتىپتى ورىندى بولارى ءسوزسىز.
7. بالاڭىز ۇيدەن شىعاردا مىندەتتى تۇردە ەسىككە دەيىن شىعارىپ سالىپ، «اسىقپا، ساق بول!» دەگەن جاقسى تىلەك تىلەڭىز.
8. بالاڭىز ۇيگە كەلگەندە ولاردى مىندەتتى تۇردە ەسىك الدىنان كۇتىپ الىڭىز. بالا ءتىپتى ول ءبىر نارسەگە كىنالى بولسا دا، ءوزىنىڭ ۇيگە كەلگەنىنە اتا-اناسىنىڭ قۋانىشتى ەكەنىن سەزىنۋى ءتيىس.
9. بالاڭىزدىڭ جادىنا «سەن جاقسىسىڭ، ءبىراق وزگەلەردەن ارتىقپىن دەمە» دەگەن بارىنە بەلگىلى پسيحولوگيالىق فورمۋلانى ءسىڭىرىپ وتىرىڭىز.
10. بالاڭىزعا «وتە تازايىن دا، سالاق تا بولماي، جاي عانا ۇقىپتى بولۋ كەرەك» ەكەنىن ايتىپ وتىرىڭىز.
11. كەيدە اكە ۇلى ۇيىقىدان ويانعانشا جۇمىسقا كەتىپ، كەشكە جۇمىستان كەشىرەك كەلگەندە ۇلى ۇيىقتاپ قالىپ جاتادى. ال دەمالىس كۇنى اكەسى اڭعا نە بالىققا شىعىپ كەتەدى. ەڭ بولماسا قولىڭىز ءسال قالت ەتكەندە «قالىڭ قالاي، ۇلىم؟» دەپ سۇراپ قويۋدى ۇمىتپاڭىز.
12. ەگەر بالاڭىز ءبىر ءوزى ويىن قىزىعىنا بەرىلىپ كەتسە، ونىڭ ويىنعا بەرىلگەن كۇيىن، ءوز الەمىن بۇزىپ الماس ءۇشىن بالاڭىزدى مازالاماڭىز.
13. بالاڭىزعا ەش ۋاقىتتا «ءۇپ-ۇلكەن بولىپ الىپ» دەپ جاسىن، «سەنى دە ۇل دەيدى-اۋ» دەپ جىنىسىن نەمەسە «سەنى ءبىز اسىراپ وتىرمىز» دەپ ىشكەن اسىن ايتىپ بەتىنە سالىق قىلماڭىز.
14. بالالاردىڭ كوزىنشە بىرەۋلەردى اڭگىمە قىلماڭىز. بۇگىن ءسىز كورشىڭىزدى جامانداساڭىز، ەرتەڭ بالالار ءسىزدى جاماندايتىن بولادى.
15. ۇيىڭىزدە بالالارىڭىزدىڭ كۇلكىسىن قاشان ەستىگەنىڭىزدى ەسكە ءتۇسىرىپ كورىڭىز. بالالارىڭىز جيىرەك كۇلگەن سايىن تاربيەنىڭ دە دۇرىس ءجۇرىپ جاتقانىن كورۋىڭىزگە بولادى.