الماتىدا جاڭاجىلدىق جارمەڭكە ماۋسىمى اشىلادى

الماتى. قازاقپارات. الماتىدا جاڭاجىلدىق جارمەڭكەلەر قاشان جانە قايدا وتەتىنى بەلگىلى بولدى، دەپ حابارلايدى قازاقپارات ءتىلشىسى.

الماتى قالاسىنىڭ كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ حابارلاۋىنشا، پانفيلوۆ جانە جىبەك جولى جاياۋ جۇرگىنشىلەر كوشەلەرىندە ءبىرىنشى جەلتوقساننان باستاپ جاڭا جىلدىق جارمەڭكەلەردى اشۋ جوسپارلانۋدا. سونداي-اق جارمەڭكەلەر «پرومەناد» س و و مەن «سپۋتنيك» س و و- دا وتەدى.

«قالا تۇرعىندارى مەن قوناقتارى جاڭا جىلدىق سىيلىقتاردى جارمەڭكەلەردەن الادى، ويتكەنى كەلۋشىلەرگە كوزدىڭ جاۋىن الاتىن ءارتۇرلى سىيلىقتار ۇسىنىلادى: قولونەر بۇيىمدارى، جاڭا جىلدىق اشەكەيلەر، ويىنشىقتار، كادەسىيلار، اشەكەيلەر، دەكوراتسيا مەن ينتەرەر زاتتارى جانە تاعى دا باسقا سىيلىقتار»، - دەپ مالىمدەدى باسقارمادان.

سونىمەن قاتار، بەس ساۋدا ويىن-ساۋىق ورتالىعىندا جارمەڭكەلەرى بار جاڭاجىلدىق مۇز ايدىنىن ورناتۋ جوسپارلانۋدا.