ەرلەردىڭ دەنساۋلىعىن قۇرتاتىن ازىق تۇرلەرى قانداي؟

استانا. قازاقپارات - الەمنىڭ ۇزدىك عالىمدارى بىرىگە ۇيىمداستىرعان زەرتتەۋ جۇمىستارى بارىسىندا ەرلەردىڭ ەرەكسياسىن ودان بەتەر وربىتە تۇسەتىن ازىق-تۇلىك تۇرلەرى انىقتالدى.

زياندى ازىقتاردى كۇندەلىكتى تۇرمىسىندا پايدالانۋدى قويعان ەر ازاماتتاردىڭ دەنساۋلىعى جاقسى جاققا قاراي وزگەرگەن دەپ حابارلايدى segodnya.ua سايتى.

كەز كەلگەن ەر ادام ەرەكسيا پروبلەماسىنىڭ ەشقاشان تۋىنداماعانىن قالايدى. الايدا، جاس وسە كەلە ەر ازاماتتار دەنساۋلىعىن تۇراقتى قالىپتا ساقتاي الماي جاتاتىنى دا بار. وعان بىرىنشىدەن دۇرىس تاماقتانباۋ ەلەۋلى تۇردە اسەر ەتەدى.

مامانداردىڭ زەرتتەۋ جۇمىستارى نەگىزىندە ەركەكتەر ەرەكسياسىن ورشىتە تۇسەتىن ازىق-تۇلىكتەر ءتۇرىن انىقتادى.

ەرلەر ءۇشىن زياندى ازىق تىزىمىندە ءبىرىنشى بولىپ سىرا تۇر. ول ادام ورگانيزمىندەگى گورمونالدى تۇراقتىلىقتى بۇزىپ تاستايدى. سىرا كەسىرىنەن پايدا بولعان قارىن تەستوستەرون تاپشىلىعى مەن ايەلدىك گورموننىڭ كوبەيۋىنە سەبەپكەر بولادى.

ەرەكسيانى ۋشىقتىرۋعا فاست-فۋدتىڭ دا ۇلكەن سەپتىگى تيەدى. ول جالپى ەرلەر گورمونىنىڭ جۇمىس ىستەۋىنە كەدەرگى كەلتىرەدى. ال كوفەين بولسا تەستوستەرون مولشەرىن ازايتىپ، كەرىسىنشە ەستروگەن ورشۋىنە اكەپ سوقتىرادى.

سونداي-اق، زەرتتەۋ كەزىندە قاقتالعان شۇجىق قۇرامىنداعى قاقتالعان سۇيىقتىق ەرلەردىڭ جىنىس مۇشەلەرىن زاقىمداۋعا قاۋقارلى ەكەنى دالەلدەندى.

وعان قوسا، ۇرىقتىلىق قابىلەتىنىڭ ارتۋى ءۇشىن كۇنىگە 50 گرام ءتاتتى شوكولاد جەپ تۇرۋ كەرەك دەيدى ماماندار.

عالىمداردىڭ ايتۋىنشا، ەر ادامدار قاۋىمى ءۇشىن قۇرامىندا حولەستەرين، سويا، تۇز جانە گازى كوپ ازىق-تۇلىكتەردەن باس تارتقان ءجون. سونىمەن قاتار، ماماندار ءبىر تاۋلىكتە كەمىندە ءبىر ليتر سيىر ءسۇتىن ءىشىپ تۇرعان پايدالى ەكەنىن دە ەسكەرىپ كەتتى.

ال تەمەكى مەن ىشىمدىكتى تاستاپ، سپورتپەن بەلسەندى تۇردە شۇعىلدانعان ەر ازاماتتار قاي جاستا بولماسىن ەرەكسيا پروبلەماسى مازالاماسى انىق.