ۋكراينادا سوعىس جاعدايى ەنگىزىلدى

كيەۆ. قازاقپارات - جوعارى رادا «ۋكراينا پرەزيدەنتىنىڭ «ۋكاريندا سوعىس جاعدايىن ەنگىزۋ تۋرالى» جارلىعىن بەكىتۋ تۋرالى» زاڭدى قابىلدادى، دەپ حابارلايدى ۋكرينفورم.

ونى قابىلداۋعا 276 دەپۋتات داۋىس بەردى. ۋكراينا پرەزيدەنتىنىڭ 2018-جىلدىڭ 26- قاراشاسىنداعى «ۋكراينادا سوعىس جاعدايىن ەنگىزۋ تۋرالى» جارلىعى زاڭمەن بەكىتىلدى. وعان سايكەس، ۋكراينادا اسكەري جاعداي ەنگىزىلدى.

قۇجاتتا اسكەري قولباسشىلارعا، اتقارۋشى ورگاندارعا جانە جەرگىلىكتى ءوزىن-ءوزى باسقارۋ ورگاندارىنا ۋكراينا قورعانىسىن قامتاماسىز ەتۋ ءۇشىن قاجەتتى شارالار قابىلداۋ، حالىقتىڭ قاۋىپسىزدىگىن جانە مەملەكەت مۇددەسىن قورعاۋ تاپسىرىلعان.

ۋكراينا كونستيتۋتسياسى مەن زاڭىنا سايكەس، ەلدە سوعىس جاعدايىنىڭ ەنگىزىلۋىنە بايلانىستى ازاماتتاردىڭ ەركىندىگى مەن كونستيتۋتسيالىق قۇقىقتارى شەكتەلۋى مۇمكىن.