قازاقستاندىقتار تايلاندقا ۆيزاسىز بارا الادى

استانا. قازاقپارات - قازاقستاندىقتار تايلاندقا ۋاقىتشا ۆيزاسىز بارا الادى. بۇل تۋرالى بۇگىن ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.

ايبەك سمادياروۆ تايلاند قازاقستان ازاماتتارى ءۇشىن ۆيزالىق الىمداردى ۋاقىتشا جويعاندىعىن جەتكىزدى.

«تايلاند كورولدىگى سىرتقى ىستەر مينيسترلىگىنىڭ مالىمەتىنە سايكەس، 2018 -جىلدىڭ 15 - قاراشاسىنان باستاپ 2019 -جىلدىڭ 13 - قاڭتارىنا دەيىن ءبىرقاتار ەلدەردىڭ، سونىڭ ىشىندە قازاقستان ازاماتتارى ءۇشىن تايلاندقا كەلۋ كەزىندە ۆيزالىق الىمدار الىنىپ تاستالعان. تايلاندقا كەلۋ كەزىندە تۋريستىك ۆيزانى باسقا كەزەڭدەردە الۋ قۇنى تايلاندتىڭ 2 مىڭ باتى بولىپ وزگەرىسسىز قالادى»، - دەدى ول.

سونداي- اق رەسمي وكىل «تۇركيا رەسپۋبليكاسى پرەزيدەنتىنىڭ 2018 -جىلعى 10 - قاراشاداعى جارلىعىنا سايكەس، ءبىرقاتار ەلدەردىڭ، سونىڭ ىشىندە قازاقستان ازاماتتارىنىڭ تۇركيادا بولۋ قۇقىعى 30 كۇننەن 90 كۇنگە ۇزارتىلعاندىعىن» دا اتاپ ءوتتى.

اۆتور: مارلان جيەمباي