بۇگىن قازاقستاننىڭ باسىم بولىگىندە قار جاۋىپ، تۇمان تۇسەدى

استانا. قازاقپارات - بۇگىن قازاقستان اۋماعىنىڭ باسىم بولىگىندە قار، جاۋىن جاۋادى، وڭتۇستىكتىڭ تاۋلى اۋداندارىندا مول جاۋىن-شاشىن تۇسەدى.

كەي جەرلەردە ەكپىندى جەل تۇرىپ، تۇمان، كوكتايعاق، بۇرقاسىن كۇتىلەدى. بۇل تۋرالى قازگيدرومەت حابارلايدى.

الماتى وبلىسىنىڭ كەي جەرلەرىندە جەلدىڭ جىلدامدىعى 15-20 م/س، جالاڭاشكول اۋدانىندا جەلدىڭ ەكپىنى 25 م/س بولادى، تۇندە كەي جەرلەرىندە تۇمان تۇسەدى.

اقمولا، قوستاناي وبلىستارىنىڭ كەي جەرلەرىندە جەلدىڭ جىلدامدىعى 15-20 م/س- عا دەيىن كۇشەيىپ، تۇمان، بۇرقاسىن بولادى. قوستاناي وبلىسىندا كوكتايعاق كۇتىلەدى.

سولتۇستىك قازاقستان وبلىسىنىڭ كەي جەرلەرىندە بۇرقاسىن، كوكتايعاق بولىپ، جەلدىڭ جىلدامدىعى 15-20 م/س- عا دەيىن كۇشەيەدى.

شىعىس قازاقستان وبلىسىندا جەلدىڭ جىلدامدىعى 15-20 م/س- عا دەيىن كۇشەيەدى، كۇندىز بۇرقاسىن بولادى.

تۇركىستان، جامبىل، قىزىلوردا، باتىس قازاقستان وبلىستارىنىڭ كەي جەرلەرىندە تۇمان، كوكتايعاق باقىلانىپ، تۇركىستان، جامبىل وبلىستارىندا جەلدىڭ جىلدامدىعى 15-23 م/س- عا دەيىن كۇشەيۋى كۇتىلەدى.

پاۆلودار، كۇندىز اقتوبە وبلىستارىنىڭ كەي جەرلەرىندە جەلدىڭ جىلدامدىعى 15-20 م/س- عا دەيىن كۇشەيەدى.

قاراعاندى، اتىراۋ، ماڭعىستاۋ وبلىستارىنىڭ كەي جەرلەرىندە تۇمان تۇسەدى.