11:36, 25 - قاراشا 2018 | GMT +6
پۋتين قازاقستاندىق اكتەردى دوستىق وردەنىمەن ماراپاتتادى
استانا. قازاقپارات - قازاقستانداعى م. لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ اكتەرى يۋري پومەرانسەۆ رەسەيلىك دوستىق وردەنىمەن ماراپاتتالدى.
رەسەي پرەزيدەنتى ۆلاديمير پۋتيننىڭ جارلىعىمەن يۋري پومەرانسەۆ ۇلتتار مەن حالىقتار مادەنيەتىن ءوزارا بايىتۋ مەن جاقىنداستىرۋداعى جەمىستى ەڭبەگى ءۇشىن ناگرادتالدى.
قۇجات كرەملدىڭ رەسمي سايتىندا جاريالانعان.
وردەندى م. لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ 85 جىلدىعىنا ارنالعان سالتاناتتى كەشتە رەسەي فەدەراتسياسىنىڭ باس كونسۋلى ەۆگەني بوبروۆ يەسىنە تاپسىردى.
